BAQ-ta Aqmola jäne Qostanai oblystaryndaǧy mamandandyrylǧan HQKO-larda myŋdaǧan adam jürgızuşı kuälıgın satyp alǧany turaly aqparat tarady. Işkı ıster ministrlıgı osy mäselege qatysty mälımdeme jasady.
Äkımşılık polisiia komitetı töraǧasynyŋ orynbasary Serık Tüsıpovtıŋ aituynşa, polisiia ekı jyldan astam uaqyt boiy jürgızu qūqyǧyna ümıtkerlerden teoriialyq jäne praktikalyq emtihan qabyldauǧa qatyspaidy. «Tärtıp saqşylary jürgızuşı kuälıgın aluǧa ümıtkerlerdı jürgızuşı kuälıgınen aiyru jäne basqa da mälımet alu tūrǧysynan ǧana tekseru jürgızedı. Būl jürgızuşı kuälıgın beru kezınde azamattardyŋ polisiiamen bailanysyn azaitu jäne sybailas jemqorlyq faktılerın boldyrmau üşın jasaldy. Qabyldanǧan şaralardyŋ nätijesınde soŋǧy üş jylda sybailas jemqorlyq qylmystar sany 43 paiyzǧa tömendedı» deidı S.Tüsıpov.
Būǧan deiın sybailas jemqorlyqqa qarsy qyzmet ökılderı azamattardyŋ ornyna jürgızuşı kuälıgın alu üşın emtihan tapsyrǧan HQKO qyzmetkerlerın anyqtaǧan. Emtihandy sättı tapsyru üşın arnaiy daiyndalǧan adamdar tartylǧan.
Jaqynda sifrlyq damu, innovasiialar jäne aeroǧaryş önerkäsıbı ministrı Baǧdat Musin HQKO-ta jürgızuşı kuälıgın emtihansyz beru faktılerın öz közımen körgenın mälımdedı. «Qazannyŋ 24-ı künı soŋǧy ret Nūr-Sūltan qalasynyŋ HQKO-da boldym. Şynymdy aitsam, jūmysyna köŋılım tolmady. Sebebı keibır faktıler anyqtaldy. Ony jemqorlyqqa jatqyzyp otyrmyn. Öitkenı adamdarǧa teoriialyq jäne praktikalyq emtihansyz jürgızuşı kuälıgın aluǧa mümkındık jasaldy. İä, ondai jaǧdailar az şyǧar. Bıraq bız şyn mänınde qanşa ret bolǧanyn bılmeimız ǧoi» dedı Musin ortalyq kommunikasiialar qyzmetınde ötken onlain brifingte. Ministr jürgızuşı kuälıgın alu prosedurasynan özı de ötken. Sol kezde emtihansyz qūjatty qalai aluǧa bolatynyn körıptı. Qazırgı kezde baqylau şaralary küşeitılıp otyr. Aldaǧy uaqytta emtihanǧa kıretın adamdardy biometriialyq tekserısten ötkızedı.
