Saǧadattyŋ baspasözge bauyr basuy äkesı Saǧyndyqtan daryǧan. Sonau ışse-tamaqqa, kise-kiımge jarymai jürgen soǧystan keiıngı auyr kezeŋnıŋ özınde ol kısınıŋ qolynan gazet-jurnal bır tüsken emes. Sol sebeptı ony auyldastary «gazet-şal» dep ataityn.
«Oquy bardyŋ toquy bar» degendei, ol kısınıŋ bılımdarlyǧy da keremet edı. Bükıl aǧaiyn-tuys, körşı-qolaŋnan bastap, audandaǧylarǧa deiın aqyl-keŋes sūrap kelıp jatatyn. Negızınen, būlardyŋ äuletıne bılım bastauy Saǧyndyqtyŋ äkesı Ädılbekten taraǧan. Auyl moldasynyŋ därısın körgen ol, kışı balasyn Atbasardaǧy ekı jyldyq orys-qazaq mektebıne beredı. Būl – Oktiabr revoliusiiasyna deiıngı kezeŋ.
Mıne, bügıngı qalamy jüirık jurnalist, kökjiegı keŋ ǧalym, ūlaǧatty ūstaz Saǧadat Saǧyndyqūly osyndai tälımı zor, paiymy mol ūiadan tülep ūşqan.
«Ūiada ne körseŋ, ūşqanda sony ılersıŋ» deidı halyqtyŋ qanatty sözı. «Gazet-şaldyŋ» balasy altynşy synyptan bastap qolyna qalam alǧan. Özınıŋ teoriialyq bılımın jetıldıru üşın, sol tübıt qanat kezınıŋ özınde sonau Mäskeuden poşta arqyly türlı gazet-jurnaldarmen qosa jurnalistika teoriiasyn tarqatatyn kıtaptar aldyryp oqityn. Söitıp audandyq gazetke alǧaşqy maqalalary da şyǧa bastady.
Öz jolyn erte tanyǧan tastülektıŋ aldynda mektep bıtırgen soŋ «Kım bolam?» degen soqtaly sūraq bolǧan joq. Qazaq universitetı jurnalistika fakultetın bıtırgen soŋ, qainaǧan ömır ortasyndaǧy audandyq gazetıne qaityp kelıp, mamandyǧyn taǧy bır şyŋdap alǧan oǧan sol kezdegı astanamyz Almatydan qyzmet alu onşa qiynǧa tüsken joq. «Ogni Alatau», «Leninskaia smena», «Kazahstanskaia pravda» siiaqty respublikamyzdyŋ basty baspasözderınen bastap, Odaqtyŋ törındegı ekınıŋ bırınıŋ qoly jete bermeitın «Pravdaǧa» deiın erkın kösıldı. Aqyry Odaq biıgıne köterılıp, sol kezdegı aqparattyŋ altyn dıŋgegı sanalatyn TASS-tyŋ Qazaqstandaǧy tılşısı bolyp taǧaiyndaldy. Būl kezder onyŋ eŋ jemıstı şaǧy edı.
Jurnalistikanyŋ jazirasyn osylai bıraz emın-erkın şarlaǧannan keiın aty aŋyzǧa ainalǧan Temırbek Qojakeev aqylymen ǧylymǧa bet būryp, sol kısınıŋ kafedrasyna aǧa oqytuşy bolyp keldı. Ūlaǧatty ūstazdyŋ aituymen qazaqşaǧa den qoiyp, endı ana tılınde leksiia oquǧa maşyqtandy. Ol ūstazynyŋ osy aqylyna künı bügın dän riza.
«Talapty erge nūr jauar» degendei, Mäskeu universitetınde mamandyǧyn jetıldırıp jürgende kandidattyq taqyrybyn sonda bekıttırıp, taǧy da «Temır Temkeŋnıŋ» tegeurınınıŋ arqasynda odan keiıngı alasapyranǧa ılıkpei qazaq ǧylymynyŋ qara şaŋyraǧy Almatyda sätımen qorǧap aldy. Ol bügınde ǧylym jolynda talmai, älı de örge örlep keledı. Ūstaz būl künderı elordadaǧy Euraziia ūlttyq universitetınde şäkırt tärbieleude.
Men Saǧadatpen bes jyl universitette, ekı jyl sol kezde saiasi bılımnıŋ şyŋy sanalatyn Joǧary partiia mektebınde attai jetı jyl bırge oqydym. Onyŋ bılgır bılımdarlyǧyna, asa alǧyrlyǧyna sonda közım jettı. Al özı ömır boiy basqa tılde bılım alyp kelse de, qazaq dese baqanyn ala jügıretın keremet patriot boldy.
«Ūstazdyq etken jalyqpas, üiretuden balaǧa». Saǧadat Saǧyndyqūlynan tälım alǧan şäkırtterınıŋ özı – bügınde bır qauym el. Olardyŋ arasynda qyr asqan qyzmetkerler de, belge şyqqan bılgırler de jeterlık.
Būl oraida Säkeŋdı jemısı mäuelep, japyraǧy jaiqalyp tūrǧan bäiterekke teŋese de bolar. Söz soŋynda oǧan «jetpıstıŋ jelkenın kerıp, ömırdıŋ aidynynda aibynyŋ asyp jüze ber, ardaqty azamat, aibarly dos» demekpız.
Säulebek JÄMKENŪLY,
jurnalist
