Jurnalister arasynda ötetın jyl saiynǧy «Bırlık jarşysy» baiqauy biyl Astananyŋ 20 jyldyǧyna arnaldy.
Baiqauǧa etnosaralyq kelısım taqyrybyn tereŋ qamtyǧan Qazaqstannyŋ bırqatar qalalarynan 25 material ūsynylypty. Qazaq jäne orys tılınde jazylǧan maqalalardy qazylar alqasy ekı sanat boiynşa anyqtaǧan. Qazaqstandyq otansüigıştık ruhynda tärbieleuge baǧyttalǧan taldamaly tūrǧydaǧy üzdık material boiynşa Gäkku Asylbekqyzy («Kökşetau» gazetı), Rauan Esqali (QHA saity) jäne Ermek Jūmahmetūly («Almaty aqşamy» gazetı) jeŋımpazdar qatarynan körındı. Al Qazaqstan halqy Assambleiasy qyzmetın körsetuge baǧyttalǧan «Üzdık maqala» atalymy boiynşa ärıptesımız, «Astana aqşamy» gazetınıŋ şoluşysy Gülmira Aimaǧanbet jäne Venera Tügel («Egemen Qazaqstan» gazetı), Kalbinur Hoşnazarova («Ahyska» gazetı) jeŋıske jettı. Baiqaudyŋ barlyq jeŋımpazdary qūrmet gramotalarymen jäne aqşalai syilyqtarmen marapattaldy. Ärıptesterdı būl jeŋısımen qūttyqtai otyryp, şyǧarmaşylyq tabys tıleimız.
