EKSPO körmesı aiasynda elordada elımızdıŋ är oblysynan kelgen auyl şaruaşylyq järmeŋkesı kezek-kezegımen ötıp jatyr. Ötken demalys künderı astanalyqtar men qala qonaqtary Atyrau, Jambyl, Pavlodar men Şyǧys Qazaqstan oblysynan kelgen önımderdı satyp aldy.
«Qazaqstan» sport keşenı maŋynda ötken järmeŋkede otandyq tauar öndıruşıler 1000 tonna önım ūsyndy. Onyŋ ışınde, et – 120 tonna, süt önımderı – 64, makaron önımderı – 21, dändı-daqyldar – 53, bal – 52, kartop – 13, kökönıster – 107 jäne balyq 53 tonna. Azyq-tülıktıŋ qūny naryq baǧasynan 10-15 paiyzǧa tömen boldy. Sondyqtan da būl järmeŋkeler jūrtqa jaǧyp tūr dep aituǧa negız bar.
Järmeŋkede «Emil», «Bagration Ulan», «Krendel» syndy 200-ge tarta tauar öndıruşı öz önımın ūsyndy. Astanalyqtar bır kelı qantty 230 teŋgege satyp aluǧa mümkındık aldy. Şyǧysqazaqstandyqtar et, süt, şūjyq, qūs etı, balyq önımderı men qymyz, makaron önımderın, jalpy salmaǧy 300 tonnalyq tauardy äkeldı. Şara aiasynda öŋırden kelgen ärtıster men şyǧarmaşylyq ūjymdar järmeŋkege jiylǧan qalyŋ jūrtqa än men biden şaşu şaşty.
