Qosymşa bılım beru ūiymy qataryndaǧy elordalyq äl-Farabi atyndaǧy Oquşylar saraiy – erekşe joba. 2011 jyly QR Täuelsızdıgınıŋ 20 jyldyǧyna orai balalar men jasöspırımderdı damytu üşın arnaiy salynǧan. Mūnda qazırgı zamannyŋ aqparattanuy men tehnologiialylyǧy respublika mädeni mūrasynyŋ jalǧasuymen ūştasady.
Oquşylar saraiynda bılım beru qyzmetı 2012 jyldyŋ säuırınen bastap qosymşa bılım berudıŋ negızgı baǧyttary boiynşa jüzege asyp keledı. Qazırgı uaqytta saraida 13494 bala qosymşa bılım alatyn 98 üiırme, seksiia jäne şyǧarmaşylyq bırlestık jūmys ısteidı. Olar – tehnikalyq şyǧarmaşylyq-radioelektronika, robototehnika, 3D-modeldeu, lingvistika – şet tılderın üirenu, akterlık şeberlık, şeşendık öner jäne ärtürlı sport türlerı, taǧy da basqa üiırmeler bar. Sondai-aq zerthanalar, oqu kabinetterı, planetarii, observatoriia, 300 oryndyq köpfunksionaldy konsert zaly, 400 oryndyq teatr zaly, 264 oryndyq forumdar, disputtar, balalar teatry, jeŋıl atletika, basketbol zaldary, küres jäne tennispen ainalysuǧa arnalǧan zaldar bar. Jyl saiyn jaŋa üiırmeler aşylyp, jaŋa jobalar, şyǧarmaşylyq baiqaular, sport jarystary josparlanady. «Ruhani jaŋǧyru» memlekettık baǧdarlamasyn jüzege asyru aiasynda «Ruhani jaŋǧyru» ortalyǧy aşylyp, jūmys ısteidı. Saraiǧa ūly ǧalym äl-Farabidıŋ esımın beruge bailanysty «Farabi ortalyǧy» oqu-tärbie ortalyǧy retınde aşyldy. Saraida ǧylymdy damytuǧa köp köŋıl bölınedı. Himiia, matematika, fizika kabinetterı tolyq jabdyqtalǧan. Materialdyq-tehnikalyq bazasy nyǧaiuda. Oqu-tärbie jūmysy üşın barlyq qajettı jūmystar atqarylady.
Sarai, şyn mänınde, elordanyŋ şyǧarmaşylyq, ǧylymi, ruhani, mädeni jäne sporttyq ömır ortalyǧy. Onda kün saiyn balalar men jasöspırımder täjıribelı jetekşıler men käsıbi mūǧalımder kömegımen jaŋa bılım igerıp, damidy. Oquşylar saraiynda 341 qyzmetker jūmys ısteidı. Onyŋ ışınde qosymşa bılım beretın 207 pedagog jūmys ısteidı. Olardyŋ arasynda QR bılım beru salasynyŋ qūrmettı qyzmetkerlerı, Ybyrai Altynsarin atyndaǧy medal iegerlerı, pedagog-zertteuşıler, ǧalymdar, Qazaqstan Respublikasynyŋ eŋbek sıŋırgen ǧylym, mädeniet jäne sport qairatkerlerı bar.
Oquşylar saraiynyŋ jas sportşylary jyl saiyn älem, Europa, Qazaqstan chempionattarynda baq synaidy jäne tūǧyrǧa jiı köterıledı, halyqaralyq, respublikalyq konkurstarǧa qatysyp, gran-pri iegerı, laureat, diplomant atanyp jür.
Ortalyqta interaktivtı park sekıldı ırı jobalar ıske asty. «Jazǧy demalys akademiiasy»
jobasy, erekşe qajettılıkterı bar balalarǧa arnalǧan «Aiala» äleumettık jobasy, analardy qoldauǧa arnalǧan «Baqyttyŋ 8 kıltı» oqytu jobasy, «Bılım şyŋy» ǧylymi jobasy jäne taǧy da basqa jūmystar ıske asty.
Oquşylar saraiy – Astana qalasy boiynşa «Ūşqyr oi alaŋy» debat qozǧalysynyŋ koordinasiialyq ortalyǧy. «Jasai ber, täuelsız Qazaqstan!» atty Täuelsızdık künıne arnalǧan dziudodan halyqaralyq jarys, daryndy balalarǧa arnalǧan ǧylymi jobalar boiynşa respublikalyq baiqau dästürlı türde ötıp jür.
2021 jyly «Sana» kreativtı bılım beru ortalyǧy aşylyp, qala mektepterımen tyǧyz bailanysta bırqatar jūmys atqaryluda. Platformalar 7 jastan 17 jasqa deiıngı balalar üşın şyǧarmaşylyq jäne ziiatkerlık mümkındıkterdı damytu maqsatynda jūmys ısteidı.
Qosymşa bılım beru üiırmelerı aşylǧaly berı köptegen jetıstıkke jettı: «Tūmar» bi ansamblıne «halyq bi ansamblı» ataǧy berıldı, «Bal biı» ansamblı älem jäne Europa chempiony atandy. «Ülken tennis» seksiiasynyŋ tärbielenuşılerı Qazaqstannyŋ bırınşı jäne ekınşı raketkasy ataǧyn jeŋıp aldy. «Nūrşaşu», «Gäkku», «Kerım-ai» horeografiia ūjymdary jäne jas vokalister balalar şyǧarmaşylyǧynyŋ halyqaralyq jäne respublikalyq konkurstarynyŋ jeŋımpazy atandy. Al Oquşylar saraiy «Respublikanyŋ üzdık qosymşa bılım beru ūiymy» atandy jäne taǧy da basqa seksiialardan jüldelı oryndar ielendı.
