Elordany damytudyŋ 5 jylǧa arnalǧan bekıtılgen keşendı josparyna säikes, qaladaǧy jol jäne injenerlık infraqūrylym mäselelerı bırtındep şeşılude. Onyŋ ışınde jyly aialdamalardy ıske qosu da bar.
Juyrda «Jaǧalau» şaǧyn audanynda da aqyldy aialdama paida bolyp, soŋǧy kezderı sany aitarlyqtai köbeigen tūrǧyndaryn quantty. Qalanyŋ şetkerı audandary men oŋ jaǧalaudaǧy keibır köşe tūrǧyndary da qala äkımımen kezdesu barysynda suyqtan, jelden, jaŋbyrdan qorǧaityn aqyldy aialdama qajettılıgı turaly mäsele kötergenı belgılı. Nūr-Sūltan qalalyq äkımdıgınıŋ Jol qozǧalysy qauıpsızdıgı jäne kölık infraqūrylymy bölımınıŋ basşysy Ruslan Äbdualievtıŋ aituynşa, bügıngı taŋda jyly pavilondardyŋ 76 bırlıgı qalanyŋ oŋ jaǧalauynda, 27-sı sol jaǧalauda ornalasqan. «Basqarma arqyly 2015 jyly – 27 bırlık; 2018 jyly – 57 bırlık aialdama, sondai-aq, qalanyŋ audan äkımdıkterı arqyly – 4 bırlık, «Astana» ÄKK (äleumettık käsıpkerlık korporasiiasy) «ŪK» AQ investorlaryn tarta otyryp, 14 bırlık aialdama paidalanyluǧa berıldı. Jabyq aialdamalyq pavilondar qalanyŋ aialdama beketterındegı jolauşylar aǧyndaryna taldau jürgızu negızınde jabdyqtalǧan. Ol jerde äleumettık maŋyzy bar nysandardyŋ (bılım beru, densaulyq saqtau jäne t.b.) boluy da eskerıledı. Qazırgı uaqytta Basqarmanyŋ jabyq pavilondardy qūru jospary qarastyrylmaǧan, öitkenı būl baǧdarlama investorlar esebınen memlekettık jeke serıktestı tartu arqyly jüzege asyrylatyn bolady. Aǧymdaǧy jyldyŋ soŋyna deiın «Astana» ÄKK »ŪK» AQ investisiialyq jobasy aiasynda investorlar esebınen aialdamalardyŋ jabyq kütu pavilondaryn bölşek sauda oryndarymen (12 bırlık) jabdyqtau josparlanuda. İntervaldy qysqartu kezınde aialdamalardyŋ jolauşylar sūranysyna tolyq jauap beretını eskerıldı, eger qajettılık tuyndasa, onda qosymşa aialdamalar ornalastyrylady» deidı Jol qozǧalysy qauıpsızdıgı jäne kölık infraqūrylymy bölımınıŋ basşysy.
Al endı osy el igılıgı üşın dep qyruar qarjyǧa salynǧan aialdamalardyŋ būzaqylardan qorǧaluy qalai? Ony aityp otyrǧanymyz – biylǧy qysta ekı mas adamnyŋ Momyşūly men Sätbaev köşelerındegı aialdamalardy ädeiı qiratqanyn bılemız. Jol qozǧalysy qauıpsızdıgı jäne kölık infraqūrylymy bölımınıŋ basşysy Ruslan Äbdualievtıŋ aituynşa, Nūr-Sūltan IIB jedel basqaru ortalyǧy kündelıktı qoǧamdyq tärtıptı jäne tärtıptı qadaǧalaidy. Qoǧamdyq kölıktıŋ toqtau nüktelerınde ereje būzuşylyq anyqtalǧan jaǧdaida, şara qoldanu üşın polisiia jasaǧy jıberılıp, būl jaǧdailardy azaitu üşın profilaktikalyq jūmystar jürgızıledı.
Elorda äkımı Altai Kölgınov qala tūrǧyndarymen kezdesude biylǧy jyly elordanyŋ şet aimaqtaryn damytuǧa, injenerlık jelıler, joldar men abattandyruǧa 7,5 milliard teŋge bölıngenın aitqan bolatyn. Qala äkımı 16 tūrǧyn üi alabyna barǧan kezde «Jeleznodorojnyi» temırjol stansiiasy tūrǧyndary özderı üşın özektı aialdama problemasyn jetkızgen edı. Arnaiy mälımetke qaraǧanda, osy jyldyŋ üşınşı toqsanynda «Jeleznodorojnyi» temırjol stansasy «äskeri bölım» aialdamasynda jabyq pavilon (jyly) ornatylypty. Aialdamanyŋ qajettılıgın jetkızgender arasynda İnternasionalnyi tūrǧyn üi alaby tūrǧyndary da bar. Aldaǧy künderı QR Qūrylys normalary men erejelerı «Astana qalasyn josparlau jäne damytu» qūrylys jobasy aiasynda standartty qaşyqtyqtardy eskere otyryp, Qosşyǧūlūly men «İnternasionalnyi» tūrǧyn üi alabynda qoǧamdyq kölıkterdıŋ aialdamalaryn ūiymdastyru qarastyralmaq.
