Biylǧy köktemde elordada körnektı memleket jäne qoǧam qairatkerı, belgılı aqyn Käkımbek Salyqovtyŋ tūrǧan üiıne eskertkış-taqta ornatylady. E.Rahmadiev atyndaǧy Memlekettık akademiialyq filarmoniiasy men Jazuşylar odaǧynyŋ elordalyq filialy eske alu keşın ötkızedı. Ūlttyq akademiialyq kıtaphanada ötken «Jyr älemınıŋ jezkiıgı» atty döŋgelek üstel mäjılısı barysynda mūny jiyn tızgının ūstaǧan Qazaqstan Jazuşylar odaǧynyŋ hatşysy, atalmyş ūiymnyŋ Nūr-Sūltan qalalyq filialynyŋ direktory Däuletkerei Käpūly süiınşıledı. Alqaly mäjılıs tūǧyrly tūlǧanyŋ tuǧanyna 90 jyl toluyna arnaldy.
Qairatker aqyn bas qalada ǧana emes, öŋırlerde de ūlyqtalady. Almaty qalasynda onyŋ atyna köşe beru, Jezqazǧanda eskertkış ornatu josparlanyp otyr. Tūlǧanyŋ tuǧan jerı Soltüstık Qazaqstan oblysy men Aqmola oblysynda da tiıstı şaralar ötedı. Mūny Käkımbek Salyqovpen «Q.Sätbaev atyndaǧy halyqaralyq qory» qoǧamdyq qorynda bırge jūmys ıstegen körnektı aqyn, halyqaralyq «Alaş» ädebi syilyǧynyŋ iegerı Ǧalym Jailybai habarlap, adami qasietterıne toqtaldy. Aqyndyq erekşelıkterı jaily äŋgımeledı. Sonyŋ ışınde Käkımbek Salyqov Qaraqalpaqstan oblystyq partiia komitetınıŋ bırınşı hatşysy kezınde taǧdyrly aqyn Svet Orazaevqa körsetken qamqorlyǧy, elge jasaǧan basqa da jaqsylyqtary turaly aitty.
– Käkımbek Salyqovty būryn Keŋes Odaǧy qūramynda bolǧan memleketterdıŋ halqy jaqsy bıledı. Būl kısı ekı formasiiada ömır sürdı. Keşegı Chernenko, Brejnevtermen qoltyqtasyp jūmys ıstedı. Bır ülken biıkke şyqqan qazaqtyŋ balasy boldy. 1992 jyly 60 jasynda Qazaqstanǧa qaityp kelgenınde qazaq jezkiık qaityp oralǧandai äserlendı. Bırge qatar jürgenımızde men Käkımbek aǧanyŋ bıreudıŋ şyqqan jerın, ruyn sūraǧanyn körgen emespın. Käkeŋ dalanyŋ özenderı siiaqty maŋaiyna el jinaityn. Tūlǧalyq qasietı biık edı, – dedı Ǧalym Jailybai.
Jazuşy, dramaturg, audarmaşy Öten Ahmet Käkımbek Salyqovpen tanysyp, aralasqan kezderdı eske aldy. Sonyŋ ışınde Jezqazǧan kezeŋı jaily äŋgımeledı. Kezınde qalamgerge belgılı tūlǧanyŋ şapaǧaty tigen eken. Ol sol turaly aityp, Käkımbek aqynnyŋ öleŋderınıŋ tarmaqtary qanatty sözderge ainalyp ketkenın tılge tiek ettı.
Osyǧan ün qosqan Däuletkerei Käpūly elordadaǧy «Qalamgerler» alleiasynda Säken Seifullin, Iliias Jansügırov, Beiımbet Mailin eskertkışı boi kötergende taqtaǧa Jazuşylar odaǧynyŋ ūsynysymen «Qazaqtyŋ ırılerı, Abaidyŋ ınılerı – Säken, Iliias, Beiımbet» atty änge ainalǧan öleŋ tarmaqtary jazylǧanyn jetkızdı.
Aqyn, dramaturg, jazuşy, jyrşy, Qazaqstannyŋ eŋbek sıŋırgen qairatkerı Baianǧali Älımjanov, tarih ǧylymdarynyŋ doktory Marat Äbsemetov, däulesker küişı, ūstaz, Qazaq ūlttyq öner universitetınıŋ professory, Qazaqstannyŋ eŋbek sıŋırgen qairatkerı Janǧali Jüzbai, tehnika ǧylymdarynyŋ doktory Tynys Süleimenov, «Qazaqtanu» zertteu institutynyŋ direktory, jurnalist, audarmaşy Baqtybai Jūmadıldin, aqyn, audarmaşy, filologiia ǧylymdarynyŋ kandidaty Marjan Erşu, Ūlttyq akademiialyq kıtaphananyŋ ǧalym-hatşysy, qoǧam qairatkerı Sädıbek Tügel Käkımbek Salyqovtyŋ jarqyn beinesın eske aldy.
Käkımbek Salyqovtyŋ öleŋderıne köptegen kompozitorlar än jazdy. Aqynnyŋ janynan şyqqan da bıraz än bar. Jiynda Qazaqstannyŋ eŋbek sıŋırgen ärtısı, öner zertteuşı Serık Ospanov Jaqsygeldı Seiılovtıŋ «Jezkiık» tuyndysyn, Käkımbek Salyqovtyŋ el estımegen Aqan serı jaiyndaǧy änın äuelettı. Qazaq ūlttyq öner universitetınıŋ oqytuşysy Syrym Mūhamedjanov «Aqqu jetken» änın saldy.
