Astana qalasynyŋ äkımdıgınde elordadaǧy üleskerlerdıŋ aralasuymen salynyp jatqan problemaly nysandar jaiy talqylandy. Is-şaraǧa «Elorda qūrylys kompaniiasy» JŞS direktory Uälihan Dosaev, Astana qalalyq orta sapasy jäne baqylau basqarmasy basşysynyŋ orynbasary Däulet Dosqūlov qatysty.
Jiynda alǧaşqy sözdı alǧan U. Dosaev özı jetekşılık etıp otyrǧan ūiymnyŋ basty mındetı «Nūrly jer» baǧdarlamasy aiasyndaǧy problemaly nysandardyŋ qūrylysyn aiaqtauǧa baǧyttalatyn, al oǧan tiıstı qarjy Ūlttyq qordan bölınetının tüsındırıp berdı. Ol sondai-aq qazırgı uaqytta 3078 üleskerdıŋ tūrǧyn üimen qamtamasyz etıluıne 14,4 mlrd teŋge bölıngenın, qūrylysty aiaqtau boiynşa bırlesken jūmystar turaly kelısım jasalǧanyn tılge tiek etıp öttı. Söz arasynda bırneşe tūrǧyn üi keşenın mysalǧa ala otyryp, qoldanysqa berıletın merzımın de atap öttı. Būdan bölek, ekonomikalyq tiımdılıktı anyqtau üşın «Tūran-Syǧanaq», «Territoriia komforta-1», «Stolichnyi 2», «Future home Astana», «Jastar-4», «Aqerke-2», «Mirnyi dom» tūrǧyn üi keşenderıne konkurs jariialanǧanynan habardar ettı.
Al Däulet Dosqūlov qalalyq basqarmanyŋ 51 problemaly nysandy nazarda ūstap otyrǧanyn mälım ettı. Onyŋ ışınde 28-ı asa problemaly deŋgeide ekenın jasyryp qalmady. Būǧan qosa zaŋsyz salynǧan qūrylys oryndarynyŋ da jūmysyn aityp berdı.
