Memleket basşysy Q.Toqaev 2 qyrküiektegı halyqqa Joldauynda turizmdı damytu üşın qajettı infraqūrylym saluǧa, eŋ aldymen jol saluǧa jäne bılıktı kadrlar daiarlauǧa nazar audaru qajettılıgın aitty. Şynynda da, kadr taŋdauda bız älı künge nemqūraidylyqqa jol berıp otyrmyz. Osyǧan bırer mysal keltıreiın.
Juyrda otbasymmen bırge Türkıstandaǧy Qoja Ahmet Iаsaui babamyzdyŋ kesenesıne ziiarat ettık. Muzei-keşendı aralap jürgenımızde bılıktı kadrlarǧa qatysty qynjylarlyq jaittarǧa tap boldym.
Bırınşıden, muzeidıŋ keibır qyzmetkerlerı bızge jäne özge keluşılerge dörekı söiledı. Taiqazan tūrǧan ortaŋǧy ülken zalǧa kıreberıste tūrǧan küzetşıler men baqylauşylardyŋ ışkı mädenietıne köŋılım tolmady. Bır qazaq äielı (muzei qyzmetkerı) şarşaǧan kışkentai ūlymnyŋ tastyŋ üstıne, tıptı jerge otyrmauyn talap etıp, maǧan jekıp söiledı. Mūndai qyzmetkerlerdı jūmysqa qabyldaityn kezde belgılı bır ışkı ädebı, sanasy, mädenietı bırınşı orynǧa qoiyluy kerek. Sebebı olar qasiettı ziiarat ornynda halyqpen jūmys ısteidı. Ziiarat ornynda ädepsız söilep, ūrdajyq mınez tanytqan jandarǧa tıptı ne derımdı bılmedım.
Muzeiden şyǧyp bara jatqanymyzda mavzoleidıŋ janynan salynyp jatqan eŋselı kesenenı kördık. Menıŋ jūbaiym: «Myna kesene Aişa bibı anamyzdıkı me? Oǧan da kırıp, ziiarat etuımızge bola ma?» dep sūrady. Kıreberıste tūrǧan äkımşı äiel: «Äi, ol körıp tūrǧandaryŋ kesene emes, mola ǧoi! Räbiia begımnıŋ molasy. Ol Aişa bibıden de kruche ǧoi! Sony da bılmeisıŋder me?» dep dürse qoia jauap qatty. Muzei qyzmetkerlerınıŋ bazarda tūratyn, ädepsız söileitın alypsatar äielderden eşqandai aiyrmasy joq.
Ekınşıden, muzeide beinetaspaǧa tüsıruge tyiym salynǧan. Küzetşı beinetaspaǧa tüsırıp jürgenderge aiqailaumen boldy. Sonda şetelden kelgen turister de eşteŋe tüsıre almasa, elıne barǧanda ne körsetedı? Beinejazbanyŋ özı – nasihattaudyŋ bır joly. Ol sauda üiınen nemese bazardan beinejazba tüsırıp otyrǧan joq qoi. Öz basym AQŞ-ta bolǧanymda kez kelgen muzeide beinejazba tüsıruge tyiym salynǧanyn körmedım. Osy jaǧyn oilanyp, damyǧan elderdıŋ üzdık täjıribesın nege ülgı etpeimız?
Q.Toqaevtyŋ bılıktı kadr daiarlauǧa eŋ aldymen köŋıl böluımız kerek degenı osydan şyǧar?! Mädeniet jäne sport ministrı Aqtoty Raiymqūlova, Türkıstan oblysynyŋ äkımı Ömırzaq Şükeev osy mäselege köŋıl bölse nūr üstıne nūr bolar edı.
