Сауда – ойын-сауық орталығының ашылуына байланысты елорданың жол жүру кестесіне өзгерістер енгізіледі.
Еліміздегі ең ірі Mega Silk Way сауда орталығының техникалық ашылуы 6 наурызға жоспарланып отыр. Айтулы нысанның ауданы 140 мың шаршы метрді құрайды.
Қоғамдық көліктің 11 бағдары осы нысанның жанынан өтеді. Сондай-ақ, бұл маңайда ЭКСПО қалашығы, Назарбаев университеті және басқа да көпшілік баратын нысандар бар. Жаңа орталыққа күнделікті 30 мыңдай, ал мереке және демалыс күндері 45 мыңдай келушілер болады деп болжанып отыр.
Осы жағдайға байланысты орталықтың ашылуына орай Қабанбай батыр даңғылы бойынша көлік кептелісінің жиі болуына байланысты Т.Рысқұлов көшесіне бұрылу кезінде айналуға тыйым салынды. Айналу мүмкіндігі Тұран-Қабанбай батыр айналмасында қолжетімді болады.
Гүлдана ТАЛҒАТҚЫЗЫ
