Норвегияда Қазақстанның саяси реформалары түсіндірілді
Қазақстанның Норвегиядағы Елшісі Әділ Тұрсынов Норвегияның Стортинг (Парламент) депутаты мен сыртқы істер және қорғаныс жөніндегі Тұрақты комитетінің төрайымы Ине Эриксен Сёрейдемен кездесті, деп хабарлайды astana-akshamy.kz
Елші Ине Эриксен Сёрейдеге Президент Қасым-Жомарт Тоқаевтың бастамасымен елімізде жүргізіліп жатқан саяси және экономикалық реформалардың жүзеге асырылу барысы, Қазақстанның саяси өміріндегі Парламенттің рөлін күшейту, сондай-ақ Астана мен Осло арасындағы қатынастардың жай-күйі мен келешегі туралы хабардар етті.
Сұхбаттастар екіжақты деңгейде де, көпжақты институттар шеңберінде де Қазақстан-Норвегия ынтымақтастығының жалпы контекстінде парламенттік дипломатияны жандандырудың маңыздылығын атап өтті.
Ә. Тұрсынов И. Сёрейдені тараптарға қолайлы уақытта елімізге сапармен келуге шақырды.