Numbeo сайт-агрегаторы 2024 жылы қауіпсіздік деңгейі жоғары және төмен елдер тізімін құрастырып, оған 146 мемлекетті кіргізген. Аталған сайт қолданушылары арасында жүргізілген сауалнама нәтижесінде рейтинг жарияланды, деп хабарлайды astana-akshamy.kz.
Сауалнамада елдегі қылмыс деңгейіне баға беру – зорлық-зомбылық, шабуыл, кісі өлтіру, сексуалды қылмыстар және тағы басқа мәселелер бойынша түрлі сұрақтар қойылған. Қауіпсіз елдердің үздік ондығына тек бір ғана еуропалық ел кірген. Тізім мынадай:
- Андорра
- БАӘ
- Катар
- Тайвань
- Оман
- Мэн аралы
- Армения
- Гонконг
- Жапония
- Сингапур
Айта кетейік, Қазақстан бұл тізімде 72-орынға шығып, маңайдағы Қырғызстан (106), Беларусь (94), Украина (79), Моңғолия (101) сынды елдерді басып озған. Ал Ресей 51-орынға жайғасқан.
Әдетте ЕО елдері үздіктер қатарында тұратын, бұл жолы тіпті үздік елу елден небәрі бірнешеуі кірген. Испания 43-орын, Германия – 50, Түркия – 53, Грекия – 77, Италия – 83, АҚШ – 89, Франция – 110. Ең қызығы Өзбекстан 29-орында тұр. Толық тізімді мына жерден көре аласыздар.
фото: pixabay.com/Alexas_Fotos
