Қазақстандық стартапшы әйелдер IT-өнімдерін шетелге сәтті экспорттап жатыр
![](https://astana-akshamy.kz/wp-content/uploads/2024/03/11-1-780x470.jpg)
Бүгінгі таңда технопаркте тіркелген компаниялардың 250-ге жуығын әйелдер басқарады, соның ішінде 25 пайызы өз қызметтерін шетелге шығарып үлгерді, деп хабарлайды astana-akshamy.kz
«Біздің компанияға Біріккен Араб Әмірліктері, Катар және Сауд Арабиясы ерекше назар аударып отыр. Катарда бірнеше инвестор, соның ішінде 1 миллиард долларды басқаратын Doha Venture Capital деген ірі венчурлық қор біздің жобаны қарастырып жатыр», – деді ZebraEye негізін тең қалаушы және бас директоры Яна Тен.
Әйелдер кәсіпкерлігінің тағы бір жарқын мысалы – Лаура Вайгорова. Ол басқаратын Smartestprep компаниясы $10 млн-ға бағаланып, $230 мыңнан астам инвестиция тартты. Және, әрине, біздің еліміздің ғана емес, бүкіл Орталық Азияның экожүйесі үшін мақтанышқа айналған оқиға – Яна Шойбекова жетекшілік ететін Citix командасының жетістігі.