Татьяна Наношкина есімді қала тұрғыны 7 наурызда №64 бағдардағы автобуста орын алған келеңсіздікке қатысты шағым түсірді. Әлеуметтік желі арқылы қынжылысын білдірген ол дұрыс қызмет көрсетпеген жүргізуші мен кондукторға сөгіс беруді талап етті.
Астана әкімдігі жолаушыларға қызмет көрсету сапасына, жүргізушілер мен кондукторлардың тәртібіне баса назар аударады.
Жоғарыдағы сауалға жауап берген қала әкімі Әсет Исекешев осындай шағымдардың жиі түсетінін айтып, шаһардағы 8 автобус паркінің 7-еуі жекеменшік екенін, сондықтан алдағы уақытта жаңа модельге көшірілетінін мәлімдеді.
Қала тұрғыны өтінішінің нәтижесінде «№7 автопарк» әкімшілігі автобус жылдамдығын асырған, аялдамаға дер кезінде тоқтамаған жүргізуші М.Мырзахметов пен кондуктор К.Өмешоваға сөгіс жариялады.
Орынбек ӨТЕМҰРАТ
