Елорда тынысы
«Ризашылық бұлағы» аллеясы ашылды
Бас қаладағы №69 «Еркем-ай» балабақшасында Ұлттық домбыра күніне және Астанамыздың 25 жылдық мерейтойына арналған «Нағыз қазақ – домбыра» атты ұлттық-патриоттық кеш өтті.
Осы қос мерейтойға орай балабақша аумағында «Ризашылық бұлағы» аллеясы мен ашық аспан астындағы сахна ашылды. Мерекелік концерт аясында балдырғандардың «Болашақ» ансамблі мен шулы оркестрі, сондай-ақ «Ата-әжелер академиясының» «Дәуір» ансамблі өз өнерін паш етті. Балабақша балапандары «Домбыраның құдіреті» сахналық-музыкалық қойылымын көрсетті.