Спорт нашақорлыққа қарсы
![](https://astana-akshamy.kz/wp-content/uploads/2024/01/hokkej-780x470.jpg)
Спорт-медицина орталығы қызметкерлерінің қатысуымен «Спорт – нашақорлық пен есірткіге қарсы!» атты сауаттылық сағаты өтті.
Нашақорлықтың адамға зиян-залалы туралы сауықтыру мекемесінің өкілі Алмат Рамазанов пен хирург-дәрігер Нұрсұлтан Кеңесбек түсіндіріп берді.
– Адамдар арасында есірткі қабылдауды қызығушылықпен бастайтындар бар. Кейіннен соған тәуелді болады. Ал тәуелділік адамның психологиялық жағдайына және денсаулығына кері әсер етеді, – деді Нұрсұлтан Кеңесбек.
Ал Алмат Рамазановтың сөзінше, нашақорлық – әлемді алаңдатып отырған өзекті мәселе. Өкініштісі, нашаға әуестенген бір адамның зауалы бүкіл отбасына, жақындарына теріс әсер етеді.
– Біздің мекеме тікелей спортшылармен жұмыс істейді. Сол себепті есірткіні тұтынудың ғана емес, есірткі заттарын тасымалдап, сатып, сақтаудың заң алдында жауапкершілікке тартатынын үнемі спортшыларға түсіндіріп жүреміз, – деді ол.