Ұлттық мереке ұлықталды
![](https://astana-akshamy.kz/wp-content/uploads/2023/12/4bfd56c4-ebd2-47b3-89b7-92b162c3e678-780x470.jpg)
Елордада Жамбыл Жабаев атындағы №4 мектеп-гимназияда «Тәуелсіздік таңы» атты мерекелік танымдық-патриоттық кездесу өтті. Оны Астана қаласы әкімдігі Әдістемелік орталығы, қалалық «Әділет» кәсіподағы мен Астана қаласы Орталықтандырылған балалар кітапханасы ұйымдастырды.
Кездесуге қаламыздағы мектеп, колледждерден рухани тіл, салт-дәстүр, әдет-ғұрып жанашырлары сегіз қырлы, бір сырлы кітапханашылар, тарихшылар, музыка мектептерінің ұстаздары, еңбек ардагерлері, 10-11 сынып оқушылары қатысты.
Кездесуде сөз алған белгілі күйші Секен Тұрысбеков желтоқсанда бастан кешкен естеліктерін айтып, жалғасын күй ырғақтарымен жеткізді.
Басқосуда сол Желтоқсан күндері алаңға барған жастың бірі – сол кездегі ҚазГУ-дың химия факультетінің студенті, Ы.Алтынсарин және «Қазақстан Республикасының білім беру ісінің үздігі» төсбелгілерінің иегері, Астана қаласындағы Төлеген Айбергенов атындағы мектептің директоры – Сәуле Әзімханованың да естеліктерін тыңдады.
Оспан СҮЛЕЙМЕНҰЛЫ,
Қазақстан оқу-ағарту ісінің үздігі, зейнеткер