25-29 тамыз аралығында Астанада «Әлем дәрігерлері ядролық қаруды қолдануға қарсы» қозғалысының 21-ші конгресі өтеді. Оған дүниежүзінің 43 елінен делегаттар қатысады.

Өткен аптада жол-патрульдік полициясы жол қозғалысын бақылау барысында 6,5 мыңнан аса жол ережесі бұзылғаны анықталған. Жылдамдық режиміне байланысты – 774, қауіпсіздік белдігінсіз көлік жүргізгені үшін – 511, апаттық жағдайды туғызғаны үшін – 134, автокөлікті мас күйінде жүргізгені үшін – 53, сондай-ақ, жаяу жүргіншілерді өткізбегені үшін 540 құқық бұзушылық тіркелген.