Қала басшысы Алтай Көлгінов Отбасы банкі (Тұрғын үй құрылыс жинақ банкі) басшылығының жетекші жоспарының өзекті мәселелері мен келесі жылға арналған жұмыстарын талқылады. Бұл туралы қала әкімі өз Instagram парақшасында жазды.
«Тұрғын үй мәселелерінің шешуде Отбасы банкінің (Тұрғын үй құрылыс жинақ банкі) «Бақытты отбасы», «Шаңырақ» (5-10-20) сияқты әр түрлі мемлекеттік бағдарламалары бар. Бірлескен жемісті жұмыс өзінің оң нәтижелерін көрсетеді: мысалы, тек «Бақытты отбасы» бағдарламасы бойынша баспаналы болған елордалықтардың саны соңғы жылдары 2,5 есе көбейді. «Шаңырақ» бағдарламасы іске қосылған күннен бастап (2020 жылдың екінші жарты жылдығы) 2400-ге жуық отбасы баспанаға қол жеткізді. Жалпы, өткен жылы «Отбасы банк» қала бойынша 11 мыңға жуық пәтер салды. Алда бұл жұмыстар өз жалғасын табады. Сонымен қатар, Мемлекет басшысының тапсырмасы бойынша әлеуметтік тұрғын үй құрылысының көлемін ұлғайту бойынша жұмыс жүргізіп жатырмыз. «Отбасы банкімен», Қазақстандық тұрғын үй компаниясымен (ҚИК) әлеуметтік тұрғын үй салу жұмыстарымен белсенді айналысамыз. Біз үшін қала тұрғындарына қолайлы жағдай жасау өте маңызды» деп жазды А. Көлгінов.
