ӘЛЕУМЕТТІК САЛАЛАР ӘЛЕУЕТІ АРТУДА
Қала бюджетінен әлеуметтік салаға бөлінетін қаржы жыл сайын артып келе жатыр. Мәселен, биылғы бюджеттің 38,6 пайызы қоғамдағы маңызды мәселелерді шешуге бағытталды. Халықтың денсаулығы, білім алуы қай заманда да аса өзекті мәселелердің қатарына жатады. Бұл саладағы жетістіктер аз емес, жетілдіретін тұстар да баршылық.
енсаулық сақтау жүйесіндегі кейінгі жылдардағы оң өзгерістерді қала тұрғындары жақсы сезінді деп ойлаймын. Қалалық мәслихат депутаттары бұл жүйенің барлық құрылымдарымен тығыз қарым-қатынас орнатып, кешенді жұмыс жүргізді. Ол өз кезегінде алғашқы медициналық-санитарлық көмек көрсетудің сапасын арттыруға және оның дер кезінде көрсетілуіне мүмкіндік берді. Депутаттық корпус ұсынған «Smart Медицина» механизмдерін жан-жақты қолданғанда, жұмыс бұдан да нәтижелі болады.
Халықтың ең осал топтарын қорғау жұмысы тұрақты түрде, әрі жақсы жүргізілуде. Ең бастысы, аз қамтылған, патронаттық отбасылардан шыққан балаларға, зейнеткерлерге және осыларға теңелген басқа дәрежедегі санаттарға әлеуметтік көмек көрсету тоқтаған жоқ. Түскен шағымдарға уақытылы жауап беріліп, мәселелер шешімін табуда. Жұмыспен қамту, еңбек және әлеуметтік қорғау басқармасымен жұмыс-
қызметіміз де өте маңызды. Өйткені проблема туындаған жағдайда тұрғындар өз депутаттарына жүгінеді. Депутаттармен нәтижелі жұмысы үшін аталмыш басқармаға ерекше алғыс айтамын.
Мәслихат депутаттары өткізген бірнеше маңызды рейдтен кейін мүмкіндігі шектеулі адамдар үшін қолайлы жағдайлар жасау жұмыстары жүзеге асырылуда.
Білім беру мәселелері депутаттардың ерекше назарында тұр. Қала әкімінің басшылығымен осы салада шешуші реформалар жасалды. Мемлекеттік жекеменшік әріптестік шеңберінде және жеке инвесторлар есебінен салынған білім беру нысандары қала мектептеріндегі орын жетіспеушілігі мәселесін шешуге септігін тигізетініне сенімдіміз.
Мектептегі алым-төлемге қатысты өткір мәселе де өз шешімін тапқан секілді.
Сонымен қатар, мектепке дейінгі мемлекеттік ұйымдарда орындарды бөлу механизмі айқындалды. Бүгінгі күні Білім беру басқармасы адам факторының әсерін болдырмауға мүмкіндік беретін процестерді толық автоматтандырылды. Жуырда Жастар саясаты мәселелері жөніндегі басқарма басшысының есебін тыңдадық. Қаладағы жастармен жұмыс едәуір жақсарды деуге болады.
Енді күрмеулі мәселелерге ауыссақ, қаламыздағы мектептердің 40 пайызы ескір-
ген. Жыл сайын күрделі жөндеуге қатысты 10 шақты оқу орнынан өтінім түседі. Бірақ оған қарамастан ағымдағы жылы бюджеттен 1 ғана мектепті жөндеуге өтінім мақұлданды. Бұл мәселені ерекше назарға алу керек деп санаймыз. Себебі балаларымыздың қажеттіліктерін, олардың денсаулығы және білім алуын бірінші кезекке қоюымыз қажет.
Депутаттарға «SCHOOLBUS», яғни мектеп автобустарын бөлу мәселесі түсініксіз. Оларды қаланың шеткі аймақтарында орналасқан мектептерге бөлу ұсынысы бірнеше рет айтылды. Ал автобустардың бірін балалар үйіне беру әділетті болар еді деп санаймыз. Жылы аялдамаларды да қаланың шеткі аймақтарына қою туралы өз басым бірнеше рет өтінген едім.
Қаламызда балабақшалар жетіспейді. Білім басқармасы жекеменшік мектепке дейінгі мекемелердің есебінен олардың санын арттыру үшін қаражат бөлу туралы өтініш түсірді. Бұл өтініш мақұлданды. Қаржыландыру жылдың басынан бастап жоспарлы түрде тең бөліктермен бөлінгені дұрыс болар еді деп санаймыз. Сонда мемлекеттік субсидияны алуға ниетті жекеменшік балабақшалар қызметінің сапасына Білім басқармасы тиянақты бақылау жүргізер еді. Қазіргі жағдайда қаржы бөлу, оны бақылау және игеру мәселелері алаңдаушылық туғызады.
Депутаттардың қатысуымен өткен қоғамдық тыңдаулар көрсеткендей, отбасы институтын, отбасылық құндылықтарды бекіту, бала туатын жастағы әйелдердің денсаулығын нығайту, сонымен қатар гендерлік теңдік мәселесі қажетті деңгейде жүргізілмейді. Гендер және отбасы-демографиялық мәселелер өте күрделі. Оны жүйеге салу үшін жеке атқарушы бөлім қажет. Бұл мәселені шешудің бірден-бір амалы ретінде Оңтүстік Қазақстан облысының тәжірибесін қарастыру керек. Бұл өңірде гендерлік саясатты жүргізетін жеке басқарма жұмыс істеп отыр.
Жастар арасында ұлттық құндылықтарды, яғни ұлттық
мәдениетті, салт-дәстүрді насихаттау қажет. Осы жұмыстың барлығын мектепке дейінгі мекемелерден бастаған жөн. Ұлттық сипаттағы мектеп формаларын тігу керек. Қыз-келіншектеріміз де қамзолды тек Наурыз мерекесінде ғана емес, күнделікті өмірде киіп жүрсе, қандай ғанибет.
Ата-ананың қамқорлығынсыз қалған балалардың мәселесі қоғамдық-саяси тұрғыдан ғана емес, адамгершілік, эмоциялық және рухани тұрғыдан да өзекті. Жақында қалалық мәслихаттың Әлеуметтік-мәдени даму жөніндегі тұрақты комиссия сондай балалар тұратын мекемелер жұмысымен танысты. Материалдық тұрғыдан бұл балалар қамтамасыз етілген, алайда, отбасылық жылу мен адамгершілік қолдау жетіспейтіні анық. Қаладағы балалар үйіндегі жеткіншектер саны азайды. Жетім балаларды асырап алу артып келеді, болашақта сол балалардың барлығы дерлік отбасын тапса, жұмысымыздың нағыз жемісі сол болады.
Биыл елордада дүбірлеп өткен «ЭКСПО-2017» халықаралық мамандандырылған көрмесі табысты аяқталды. Бұл айтулы іс-шара әрбір астаналық пен қала қонағының жадында мәңгі сақталары сөзсіз. Ұлт ретінде және бәсекеге
қабілетті мемлекет ретінде әлеуметтік-мәдени өркендеу межесі айқын. Оған Елбасының «Рухани жаңғыру» бағдарламалық мақаласы жетелеп отыр. Сүйікті астанамыздың өсіп-өркендеуіне атсалыса берейік.
Қарақат ӘБДЕН,
Астана қалалық
мәслихатының депутаты