ەلوردا اكىمدىگى 2020 جىلدان باستاپ تۇرعىن ءۇي الاپتارىن گازداندىرۋدى باستادى. گاز تاراتۋ جەلىلەرىنىڭ قۇرىلىسى ءۇش كەزەككە بولىنگەن.
– 2021 جىلى گازداندىرۋدىڭ ءبىرىنشى, سونداي-اق ءىشىنارا ەكىنشى كەزەگىنىڭ قۇرىلىسى اياقتالدى. ەكىنشى جانە تولىق ءۇشىنشى كەزەكتىڭ قالعان بولىگى بويىنشا جۇمىستار رەسپۋبليكالىق جانە جەرگىلىكتى بيۋدجەت قاراجاتى ەسەبىنەن 2022-2024 جىلدارعا جوسپارلانعان, – دەپ اتاپ ءوتتى باعدات بايسادىقوۆ.
وسىلايشا, «كوكتال», «كوكتال-2», «اگروگورودوك», «جەلەزنودوروجنىي», «پرومىشلەننىي», «وڭتۇستىك-شىعىس» (وڭ جانە سول جاعى), «كۇيگەنجار», «ميچۋرين», «ينتەرناتسيونالنىي» تۇرعىن الاپتارىندا, سونداي-اق پوتانين كوشەسى اۋدانىنداعى قالانىڭ ەسكى بولىگىندە تۇتىنۋشىلاردى قوسۋ قامتاماسىز ەتىلدى.
سونىمەن قاتار, 15 الەۋمەتتىك نىساندا گازدى ىسكە قوسۋ بويىنشا ىسكە قوسۋ-رەتتەۋ جۇمىستارى جۇرگىزىلۋدە. «شاراپات» الەۋمەتتىك قىزمەت كورسەتۋ ورتالىعى, № 19, 57, 20, 40 مەكتەپتەر, «مەيىرجان», «مەرۋەرت», «تۇلپار» بالاباقشالارى, «اققانات» بوبەكجايى, فتيزيوپۋلمونولوگيا ورتالىعى جانە ءتورت كوپپاتەرلى تۇرعىن ءۇي گازعا قوسىلدى.
بۇگىنگى كۇنى قالا بويىنشا 6 مىڭنان استام تەحنيكالىق شارت بەرىلىپ, 50 مىڭنان استام ادامعا كەڭەس بەرىلدى. بۇل باعىتتاعى جۇمىستار جالعاسۋدا.
ەلوردادا 650 شاقىرىم گازبەن جابدىقتاۋ جەلىسىنىڭ قۇرىلىسى اياقتالدى. 5,3 مىڭ ءۇي گازعا قول جەتكىزۋمەن قامتاماسىز ەتىلگەن, حالقىنىڭ سانى شامامەن 200 مىڭ ادامدى قۇرايتىن 14 مىڭ ابونەنت. جەو-1, جەو-2 13 قازاندىعى گازعا اۋىستىرىلدى. اعىمداعى جىلى جەو-1-دە تاعى 3 ەنەرگەتيكالىق قازاندىقتى اۋىستىرۋ جوسپارلانۋدا.
بۇگىندە اۋداندىق «تۇران» تك جانە «يلينكا», «تەلمان», «پريگورودنىي», «Family Village», ءوندىرىس تم قازاندىقتارىنا گاز جەتكىزۋ جەلىلەرىنىڭ قۇرىلىسى جۇرگىزىلۋدە.
جالپى, تۇرعىن ءۇي الاپتارىن گازداندىرۋ جانە ەنەرگيا كوزدەرىن گازعا اۋىستىرۋ شىعارىندىلاردى جىلىنا 40 مىڭ تونناعا دەيىن تومەندەتۋدى قامتاماسىز ەتەدى, سونداي-اق گاز باللوندارىن پايدالانۋعا بايلانىستى توتەنشە جاعدايلاردى بارىنشا ازايتادى.
