قالاداعى كوپپاتەرلى تۇرعىن ۇيلەر مەن الەۋمەتتىك نىساندار, اتاپ ايتساق, ەلورداداعى مەكتەپتەر مەن اۋرۋحانالار تولىق جىلىندى.
الماتى اۋدانى بويىنشا بۇگىنگى كۇنى 415 كوپپاتەرلى ۇيدە جىلۋ قوسىلدى. بۇل اۋدان اۋماعىنداعى ۇيلەردىڭ جالپى سانىنىڭ 50%-دان استامىن قۇرايدى.
بۇگىنگى تاڭدا اتالمىش اۋدانداعى الەۋمەتتىك مەكەمەلەردىڭ 95 پايىزى جىلۋعا قوسىلعان. بۇلاردىڭ اراسىندا بالاباقشالار, دەنساۋلىق ساقتاۋ جانە مادەنيەت مەكەمەلەرى بار.
اۋدان بويىنشا تۇرعىن ۇيلەردى جىلىتۋ 29 قىركۇيەك كۇنى ىسكە قوسىلدى. جىلۋمەن جابدىقتاۋ ماسەلەلەرى بويىنشا اۋدان اكىمدىگىنىڭ تىرشىلىكتى قامتاماسىز ەتۋ بولىمىنە +7(7172) 55-18-38 تەلەفونى ارقىلى حابارلاسا الاسىزدار.
جىلىتۋ ماۋسىمىنىڭ باستالۋىنا بايلانىستى جانە تۇرعىن ءۇي قورىن جاڭا قىسقى كەزەڭگە ۋاقتىلى جانە ساپالى دايىنداۋ ماقساتىندا اكىم اپپاراتى قىزمەت كورسەتەتىن ۇيىمداردان قاجەتتى شارالاردى دەر كەزىندە قابىلداۋدى, ال تۇرعىنداردان قاجەت بولعان جاعدايدا ورتاق مۇلىكتى جوندەۋگە نەمقۇرايلى قاراماۋدى سۇرايدى.
