مەملەكەتتىك قىزمەت كورسەتۋ ساپاسى – ەرەكشە باقىلاۋدا

مەملەكەتتىك قىزمەتتەردى ساپالى كورسەتۋ ماسەلەسىنىڭ وزەكتىلىگى مەملەكەتتىك قىزمەتتەر ادام ءومىرىنىڭ بارلىق سالالارىن جانە بۇكىل كەزەڭىن قامتيتىنىمەن تۇسىندىرىلەدى. جىل سايىن مەملەكەتتىك قىزمەتتەر سۇرانىسقا يە بولىپ كەلەدى.

قر مەملەكەتتىك قىزمەت ىستەرى اگەنتتىگى مەملەكەتتىك قىزمەتتەر كورسەتۋ ساپاسىن باعالاۋ جانە باقىلاۋ جونىندەگى ۋاكىلەتتى ورگان رەتىندە ءوز قۇزىرەتى شەگىندە مەملەكەتتىك قىزمەتتەر كورسەتۋ سالاسىنداعى مەملەكەتتىك ساياساتتى ىسكە اسىرۋدى قامتاماسىز ەتەدى.

2022 جىلعى ەسەپتى دەرەكتەردىڭ مونيتورينگى استانا قالاسىنىڭ مەملەكەتتىك ورگاندارى مەن ۇيىم­دارىنىڭ 18,1 ملن مەملەكەتتىك قىزمەت كورسەتكەنىن كورسەتتى, بۇل وتكەن جىلمەن سالىستىرعاندا 1 ملن قىزمەتكە (2021 ج. 17,1 ملن) ارتىق, ونىڭ ىشىندە: مەملەكەتتىك كورپوراتسيانىڭ فيليالى ارقىلى 1 ملن (5,8%), قاعاز تۇرىندە (كەڭسە ارقىلى) 1,7 ملن (9,2%), ەلەكتروندى تۇردە 15,4 ملن (85%).

«قر مەملەكەتتىك كورسەتىلەتىن قىزمەتتەر تۋرالى» زاڭىنا سايكەس, ۋاكىلەتتى ورگاننىڭ نەگىزگى فۋنكتسيالارىنىڭ ءبىرى – مەملەكەتتىك كورسەتىلەتىن قىزمەتتەردىڭ ساپاسىن, ونىڭ ىشىندە كورسەتىلەتىن قىزمەتتى الۋشىلاردىڭ شاعىمدارى بويىنشا مەملەكەتتىك باقىلاۋدى جۇزەگە اسىرۋ, سونداي-اق تالداۋ جانە مونيتورينگ نەگىزىندە ولاردى كورسەتۋ كەزىندە بۇزۋشىلىقتاردىڭ الدىن الۋعا جانە كورسەتىلەتىن قىزمەتتى الۋشىلاردىڭ قۇقىقتارى مەن زاڭدى مۇددەلەرىن قامتاماسىز ەتۋگە باعىتتالعان ۇسىنىستار ازىرلەۋ.

ماسەلەن, 2022 جىلى قر مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتىنە (بۇدان ءارى – دەپارتامەنت) 136 ءوتىنىش كەلىپ ءتۇستى: 33 ءوتىنىش بويىنشا تەكسەرۋلەر جۇرگىزىلدى, 27 ءوتىنىش سۇراۋ سالۋ جولىمەن قارالدى, 21 ءوتىنىش بەرۋشىنىڭ ءوتىنىشحاتى نەگىزىندە توقتاتىلدى.

وتىنىشتەردىڭ كوپ سانى كورسەتىلگەن مەملەكەتتىك قىزمەتتەردىڭ جالپى سانىنىڭ ۇلعايۋىمەن بايلانىستى دەپ ەسەپتەيمىز, ەكىنشى جاعىنان, بۇل حالىقتىڭ ۋاكىلەتتى ورگان تۋرالى حاباردار بولعانىن جانە وعان دەگەن سەنىمىن ارتتىرۋىن كورسەتەدى.

مەملەكەتتىك قىزمەتتەردىڭ ءجيى شاعىمداناتىن سالالارى:

– جەر قاتىناستارى, قۇرىلىس جانە جىلجىمايتىن مۇلىك سالاسى – 30,3%;

– الەۋمەتتىك سالا جانە مەديتسينا – 12,5%;

– تۇرعىن ءۇي قاتىناستارى سالاسى – 8,1%.

نەگىزدى ءوتىنىش بىلدىرگەندەردىڭ 100% قۇقىقتارى قالپىنا كەلتىرىلدى جانە قورعالدى, ونىڭ ىشىندە: 6 تەكسەرۋ قورىتىندىسى, 2 سۇراۋ سالۋ قورىتىندىسى بويىنشا.

مىسالى, ازامات ە.س.شايماردان ۇزاق ۋاقىت ىشىندە «استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسى» مم (بۇدان ءارى – باسقارما) سەمەي يادرولىق سىناق پوليگونىنداعى يادرولىق سىناقتاردىڭ سالدارىنان زارداپ شەككەن ازامات رەتىندە كۋالىك الا المادى.

دەپارتامەنتپەن تەكسەرۋ جۇرگى­زىلگەننەن كەيىن عانا ونىڭ قۇقىقتارى قالپىنا كەلتىرىلىپ, ءتيىستى جەڭىلدىكتەر الۋعا مۇمكىندىك الىندى, سونداي-اق مەملەكەتتىك قىزمەت كورسەتۋدەن بىرنەشە رەت نەگىزسىز باس تارتقانى ءۇشىن باسقارمانىڭ لاۋازىمدى تۇلعالارىنا قاتىستى تارتىپتىك شارالار قابىلداندى.

ازاماتشا ت.ا.تاجيددينوۆاعا ءبىر جىلدان استام ۋاقىت بويى اتاۋ­لى الەۋمەتتىك كومەك الۋدان باس تارتىلدى. دەپارتامەنتپەن ونىڭ شاعىمى نەگىزىندە ءتيىستى شارالار قابىلدانىپ, قۇقىقتارى قالپىنا كەلتىرىلدى. وسىلايشا, قىزمەت الۋشى وتباسىنىڭ الەۋمەتتىك سۇراعى شەشىلدى.

52 باقىلاۋ ءىس-شاراسى وتكىزىلدى, ونىڭ ىشىندە: جەكە جانە زاڭدى تۇلعالاردىڭ وتىنىشتەرى بويىنشا – 33 تەكسەرۋ, مەملەكەتتىك ورگانداردىڭ حابارلاۋى نەگىزىندە – 4, پروفيلاكتيكالىق باقىلاۋ – 15.

تەكسەرۋ قورىتىندىسى بويىنشا 7346 بۇزۋشىلىق انىقتالدى, قىزمەت كورسەتۋ ساپاسىن جاقسارتۋ بويىنشا 90-نان استام ۇسىنىم ازىرلەندى, كورسەتىلەتىن قىزمەتتى بەرۋشىلەردىڭ 11 قىزمەتكەرى تارتىپتىك جاۋاپكەرشىلىككە تارتىلدى.

قر اقبتك 465-بابى بويىنشا رۇقسات قۇجاتتارىن بەرۋ ءتارتىبىن بۇزعانى ءۇشىن 2 لاۋازىمدى تۇلعا اكىمشىلىك جاۋاپكەرشىلىككە تارتىلدى, قىسقارتىلعان تارتىپپەن 76575 تەڭگە مولشەرىندە ايىپپۇل سوماسى ءوندىرىلدى.

ەڭ ءجيى انىقتالعان بۇزۋشى-لىقتار:

– مەملەكەتتىك قىزمەت كورسەتۋ راسىمدەرىن بۇزۋ – 3009 (41%);

– مەملەكەتتىك قىزمەت كورسەتۋ مەرزىمدەرىن بۇزۋ – 1955 (26,6%);

– قىزمەت كورسەتۋدەن نەگىزسىز باس تارتۋ – 442 (6%).

ەڭ ءجيى انىقتالاتىن سالالار:

– دەنساۋلىق, مەديتسينا جانە دەنساۋلىق ساقتاۋ – 1998 (28%);

– تۇرعىن ءۇي-كوممۋنالدىق شارۋاشىلىق – 1659 (22,5%);

– جەكە تۇلعالار مەن ازاماتتاردى تىركەۋ – 1789 (24,3%).

«ە-ليتسەنزيالاۋ» اقپاراتتىق جۇيەسىندە مەملەكەتتىك قىزمەتتەر كورسەتۋ ساپاسىنا جۇرگىزىلگەن قاشىقتان مونيتورينگ قورىتىندىسى بويىنشا 51 بۇزۋشىلىق انىقتالدى, «ۇلتتىق اقپاراتتىق تەحنولوگيالار» اق سۇيەمەلدەۋىمەن «حقكو ياج مونيتورينگى» كىشى جۇيەسىندە مەملەكەتتىك قىزمەتتەر كورسەتۋ مەرزىمىنىڭ بۇزىلۋ سەبەپتەرىن انىقتاۋ بويىنشا 224 راستالعان فاكت انىقتالدى, ءتيىستى شارالار قابىلدانىپ, كورسەتىلەتىن قىزمەتتى بەرۋشىلەرگە ۇسىنىمدار ەنگىزىلدى.

استانا قالاسى اكىمى اپپاراتىنىڭ جانە جاو باسقارمالارىنىڭ مەملەكەتتىك قىزمەتتەر كورسەتۋ سالاسىنداعى زاڭنامانى ساقتاۋ جونىندەگى باقىلاۋ ءىس-شارالارىنىڭ جوسپارلارى اياسىندا دەپارتامەنت 20 جاو-دا جانە ۆەدومستۆولىق باعىنىستى ۇيىمداردا بىرلەسكەن ىشكى باقىلاۋ جۇرگىزدى, قورىتىندىسى بويىنشا 3376-سى انىقتالىپ, مەملەكەتتىك قىزمەتتەر كورسەتۋ ساپاسىن جاقسارتۋ بويىنشا 112 ۇسىنىس ەنگىزىلدى.

مەملەكەتتىك قىزمەتتەر ­كورسەتۋدىڭ بيزنەس-پروتسەستەرىن تالداۋ

«ەلەكتروندىق ۇكىمەت» پورتالىندا مەملەكەتتىك قىزمەتتەردىڭ جۇمىس قابىلەتتىلىگى مەن قولجەتىمدىلىگىنە تۇراقتى نەگىزدە مونيتورينگ, سونداي-اق مەملەكەتتىك قىزمەتتەر كورسەتۋدىڭ بيزنەس-پروتسەستەرىن تالداۋ جۇرگىزىلەدى, ولاردى جويۋ جانە كورسەتىلەتىن قىزمەتتى بەرۋشىلەردىڭ اقپاراتتىق جۇيەلەرىندەگى پروبلەمالار بويىنشا 100-دەن استام ۇسىنىستار ەنگىزىلدى, ولار: «مەملەكەتتىك قىزمەتتەر كورسەتۋ پروتسەسىن قۇقىقتىق رەتتەۋدى باعالاۋ», «مەملەكەتتىك قىزمەتتەردى اۆتوماتتاندىرۋدى جانە تەحنيكالىق مۇمكىندىكتەردى باعالاۋ», «مەملەكەتتىك قىزمەت كورسەتۋ ۇدەرىستەرىن جەتىلدىرۋ» باعىتتارى بويىنشا.

مىسالى, «اتىن, اكەسىنىڭ اتىن, تەگىن اۋىستىرۋدى تىركەۋ, ونىڭ ىشىندە ازاماتتىق حال اكتىلەرىنىڭ جازبالارىنا وزگەرىستەر, تولىقتىرۋلار مەن تۇزەتۋلەر ەنگىزۋ» مەملەكەتتىك قىزمەتىن زەردەلەۋ كەزىندە «جاسىرىن قىزمەت», ياعني مەملەكەتتىك كورسەتىلەتىن قىزمەت بەلگىلەرىنە سايكەس كەلەتىن فۋنكتسيا انىقتالدى.

اتالعان مەملەكەتتىك قىزمەت كورسەتۋ ءۇشىن قاجەتتى قۇجاتتاردىڭ تىزبەسى «ەلەكتروندىق ۇكىمەت» پورتالىندا قولجەتىمدى نەكەلىك قۇقىق قابىلەتتىلىگى تۋرالى انىقتامانى قامتيدى. وسى انىقتامانى الۋ ءۇشىن, ەگەر كورسەتىلەتىن قىزمەتتى الۋشى قر شەگىنەن تىس جەردە نەكەدە تۇرسا, نەكەنى (ەرلى-زايىپتىلىقتى) بۇزۋ تۋرالى كۋالىكتىڭ نەمەسە جۇبايىنىڭ (زايىبىنىڭ) قايتىس بولۋى تۋرالى كۋالىكتىڭ كوشىرمەلەرى قوسىمشا قوسا بەرىلەدى. انىقتامانى كەز كەلگەن تىركەۋشى ورگان احاج اج مالىمەتتەرى نەگىزىندە بەرەدى. الايدا انىقتاما الۋ ءتارتىبى رەتتەلمەگەن.

بۇگىنگى تاڭدا, قر تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترىنىڭ 18.05.2022 ج. №170/نق بۇيرىعىنا سايكەس, اتالعان فۋنكتسيا مەملەكەتتىك قىزمەتتىڭ بۇل كىشى ءتۇرى بولىپ مەملەكەتتىك قىزمەتتەر تىزىلىمىنە ەنگىزىلگەن جانە وسىلايشا وسى قىزمەتتى الۋدىڭ اشىقتىعى ءۇشىن بيزنەس-پروتسەسى ايقىندالدى.

شىنىندا دا, ايقىن جانە بىركەلكى ەرەجەلەر مەن ستاندارتتار ارقىلى مەملەكەتتىك قىزمەتتەردى كورسەتۋدىڭ اشىق جانە ءتيىمدى پروتسەسىن ۇيىم­داستىرۋ كورسەتىلەتىن قىزمەتتى بەرۋشى مەن تۇتىنۋشى اراسىنداعى قاتىناستاردىڭ ناقتىلىعىن تۋدىرىپ قانا قويمايدى, سونىمەن قاتار, لاۋازىمدى تۇلعالاردىڭ قىزمەت كورسەتۋدەگى سۋبەكتيۆتى ءتاسىلىن جويادى, مەملەكەتتىك ورگانداردا سىبايلاس جەمقورلىق تاۋەكەلدەرىنىڭ دارەجەسىن ازايتادى.

سونداي-اق, دەپارتامەنتپەن «مەملەكەتتىك تۇرعىن ءۇي قورىنان تۇرعىن ۇيگە نەمەسە جەكە تۇرعىن ءۇي قورىنان جەرگىلىكتى اتقارۋشى ورگان جالداعان تۇرعىن ۇيگە مۇقتاج ازاماتتاردى ەسەپكە الۋ جانە كەزەككە قويۋ, سونداي-اق جەرگىلىكتى اتقارۋشى ورگانداردىڭ تۇرعىن ءۇي بەرۋ تۋرالى شەشىم قابىلداۋى» مەملەكەتتىك كورسەتىلەتىن قىزمەتى بويىنشا ۇسىنىس ەنگىزىلدى.

قر يندۋستريا جانە ينفرا­قۇرىلىمدىق دامۋ ءمينيسترىنىڭ 13.08.2021 ج. №441 بۇيرىعىنا سايكەس, مەملەكەتتىك قىزمەت كورسەتۋ مەرزىمى ءوتىنىم تۇسكەن ساتتەن باستاپ 15 جۇمىس كۇنىنەن كەشىكتىرىلمەي, الايدا «Shanyraq» تۇرعىن ۇيگە كەزەككە قويۋ» اج-دا كورسەتىلەتىن قىزمەتتى بەرۋشىدە وتىنىمدەردى وڭدەۋدىڭ جانە كورسەتىلگەن مەرزىمنەن بۇرىن ەسەپكە قويۋدىڭ تەحنيكالىق مۇمكىندىگى بولماعانى انىقتالدى.

دەپارتامەنتتىڭ ۇسىنىمىنان كەيىن كورسەتىلەتىن قىزمەتتى بەرۋشى ۋاكىلەتتى ۇيىمدارمەن بىرلەسىپ اقپاراتتىق جۇيەنى جەتىلدىرۋ پروتسەسىن اياقتاپ, قازىرگى ۋاقىتتا كورسەتىلەتىن قىزمەتتى بەرۋشىدە جوعارىدا كورسەتىلگەن مەملەكەتتىك قىزمەتتى مەملەكەتتىك قىزمەت كورسەتۋ قاعيدالارىندا بەلگىلەنگەن مەرزىمنەن بۇرىن جانە تۇرعىن ءۇي الۋعا ەسەپكە قويۋدى كەشىكتىرمەي كورسەتۋگە مۇمكىندىك بار.

وسىلايشا, ازاماتتار قازىرگى زاماننىڭ ەڭ وتكىر الەۋمەتتىك ماسەلەسىنىڭ ءبىرى – تۇرعىن ءۇي ماسەلەسىن شەشۋ پروتسەسىن جەدەلدەتۋ مۇمكىندىگىنە يە بولدى, بۇل ءوز كەزەگىندە ەلدىڭ تۇرعىن ءۇي ساياساتىن, تۇرعىن ۇيگە قولجەتىمدىلىكتى قامتاماسىز ەتۋ ينستيتۋتتارىن جانە ولاردىڭ ءوزارا ءىس-قيمىلىن بىرىڭعاي تەتىكتە قالىپتاستىرۋعا اسەر ەتەدى.

مەملەكەتتىك ورگانداردىڭ ماڭىزدى مىندەتىنىڭ ءبىرى – حالىققا مەملەكەتتىك قىزمەت كورسەتۋ ساپاسى, ول قىزمەت كورسەتۋ پروتسەسىنىڭ جەڭىلدىگىمەن, قولجەتىمدىلىگىمەن, اشىقتىعىمەن, ونى ارتتىرۋ بويىنشا تۇراقتى جۇمىسىمەن, سونداي-اق قىزمەتكەرلەردىڭ جەدەلدىگى مەن قۇزىرەتتىلىگىمەن باعالانادى.

دەپارتامەنت مەملەكەتتىك قىز­مەت كورسەتۋ ساپاسىن جاقسارتۋعا, ازاماتتاردىڭ سەنىم دەڭگەيىن ارتتىرۋعا جانە سىبايلاس جەمقورلىق تاۋەكەلدەرىن بارىنشا ازايتۋعا باعىتتالعان جۇمىستاردى بەلسەندى جۇرگىزۋدە.

مەملەكەتتىك قىزمەت كورسەتۋ كەزىندە ءسىزدىڭ قۇقىعىڭىز بۇزىلعان جاعدايدا, دەپارتامەنتكە سارىارقا داڭعىلى, 13 مەكەنجايى بويىنشا جازباشا تۇردە, «ەلەكتروندىق ۇكىمەت» پورتالى نەمەسە «ە-ءوتىش» ازاماتتاردىڭ بارلىق ءوتىنىشىن قابىلداۋ مەن وڭدەۋدىڭ بىرىڭعاي پلاتفورماسى ارقىلى جۇگىنە الاسىز.

قر مەملەكەتتىك قىزمەت ىستەرى اگەنتتىگىنىڭ استانا قالاسى بويىنشا دەپارتامەنتى