كۇن سايىن ەسىل اۋدانىنىڭ اۋماعىندا مىڭعا جۋىق جۇمىسشى مەن 200-گە جۋىق ارنايى تەحنيكا قالانى سانيتارلىق تازارتۋ جۇمىستارىن جۇزەگە اسىرادى.
ەلوردا كوشەلەرىندە جول توسەمدەرىن جۋ, قوقىس جاشىكتەرىن قولمەن تازالاۋ, سىپىرۋ, قوقىس شىعارۋ جۇمىستارى جۇرگىزىلىپ, تۇرعىن ۇيلەردىڭ اۋلالارىندا اۋماقتار تازالانۋدا.
بۇگىنگى تاڭدا ورامىشىلىك تازالاۋعا 31 ارنايى تەحنيكا, اتاپ ايتساق, تيەگىشتەر, ساموسۆالدار, اس ماشينالار, موتوپومپالار, موتوكوستار, قول شاڭسورعىشتار جانە 156 جۇمىسشى جۇمىلدىرىلدى.
اۋداننىڭ سانيتارلىق تازالىعىنا 184 تەحنيكا, سونىڭ ىشىندە سۋ قۇيۋ ماشينالارى, تۇزاقتار, تيەگىشتەر, ساموسۆالدار, ەسكاۆاتورلار جانە جالپى سانى 733 جۇمىسشى تارتىلدى.
مامانداردىڭ مالىمدەۋىنشە, قۇرىلىس قالدىقتارىن پوليگونعا شىعارۋدى تۇرعىندار ءوز كۇشىمەن جۇزەگە اسىرۋى ءتيىس. سونداي-اق ازىق-تۇلىك قالدىقتارى مەن ناندى كونتەينەرلەردىڭ ۇستىڭگى جاعىنا ىلمەۋ كەرەك.
