ەلوردادا تۇرعىن ءۇي الاپتارىن گازداندىرۋ جۇمىسى جالعاسىپ جاتىر. الماتى جانە سارىارقا اۋداندارى ۇيلەردى گازعا قوسۋ مۇمكىندىگىمەن تولىق قامتاماسىز ەتىلگەن. بۇل – «جەلەزنودوروجنىي», «كوكتال-1», «كوكتال-2», «اگروقالاشىق», «پرومىشلەننىي», «وڭتۇستىك-شىعىس», «كۇيگەنجار», «ميچۋرين» جانە «ينتەرناتسيونالنىي» تۇرعىن الاپتارى.
ەسىل جانە بايقوڭىر اۋداندارى بويىنشا گاز تاراتۋ جەلىلەرىنىڭ قۇرىلىس جۇمىستارى كەزەڭ-كەزەڭىمەن جۇرگىزىلىپ جاتىر. مىسالى, بۇل «يلينكا» («ۇركەر»), «ءوندىرىس», «پريگورودنىي», «تەلمان» ەلدى مەكەندەرى, سول سياقتى «Family Village», «Garden Village» شاعىن اۋداندارى جانە ت. ب. سونىمەن بىرگە «شۇبار» شاعىن اۋدانىندا جوبالاۋ جۇمىستارى جۇرگىزىلۋدە. وندا جەتكىزۋشى گاز قۇبىرى, ال 2023 جىلى ورامىشىلىك جەلىلەر سالىنادى.
– الماتى جانە سارىارقا اۋداندارىنىڭ اكىمدىكتەرىمەن تىعىز جۇمىس ىستەيمىز, سونداي-اق جاقىن ارادا ەسىل اۋدانىنىڭ اكىمدىگىمەن ىنتىماقتاستىقتى جوسپارلاپ وتىرمىز. ارينە, بارلىق قارجى تابيعي گازعا قوسىلۋعا مۇمكىندىك بەرمەيتىنىن بايقامادىق. كەيبىرەۋلەر كومىرمەن جىلىتۋ ارزانىراق دەپ ويلايدى. دەگەنمەن سالىستىراتىن بولساق, وندا بىردەي سوما شىعادى, بىراق تۇرعىن جايدى گازبەن جىلىتۋ, ارينە, ىڭعايلىراق. بۇل قالانىڭ ەكولوگياسىنا دا وڭ اسەر ەتەدى. ەگەر ورتاشا ەسەپپەن الاتىن بولساق, 100-150 شارشى مەتر ۇيگە قازىر تەكشە مەتر ءۇشىن 38,9 تەڭگەنى قۇرايتىن گاز تاريفىمەن ەسەپتەگەندە, شامامەن 600 مىڭ تەڭگە شىعادى. بىراق بۇل – تەك گازعا قوسىلۋ ءۇشىن تولەنەتىن ءبىر رەتتىك تولەم. ەگەر اي سايىنعى تولەمدى ەسەپتەسەك, قازىر تۇرعىندار ەڭ سۋىق كەزەڭدە ايىنا 20-25 مىڭ تەڭگە تولەيدى. بۇل رەتتە ءبىز اكىمدىكپەن بىرلەسىپ, كوپ جەڭىلدىك قاراستىردىق, ناتيجەسىندە ەلورداداعى شەيح اتىنداعى مەشىتكە, تىل ارداگەرلەرىنىڭ ۇيىنە جانە بىرنەشە كوپبالالى وتباسىعا تەگىن گاز جۇرگىزىلدى, – دەدى «گاز ۆ دوم» كومپانياسىنىڭ وكىلى جانىبەك قۇسايىنوۆ.
بايان اسىلبەكوۆا
