ەلوردادا حالىقارالىق وتباسى كۇنى مەن مادەنيەت جانە ونەر قىزمەتكەرلەرى كۇنىنە وراي رەسپۋبليكالىق باعىتتاعى مادەني وشاقتار مەن استانا قالاسى مادەنيەت باسقارماسىنا قاراستى مەكەمە قىزمەتكەرلەرى اراسىندا «جۇبىمەن بىرگە» اتتى ونەرلى وتباسىلاردىڭ سپورت جارىسى ءوتتى.
سايىسقا جەتى ونەر ورداسىنان جۇپتار قاتىستى. بۇل ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى, ە.راحماديەۆ اتىنداعى مەملەكەتتىك اكادەميالىق فيلارمونيا, مۋزىكالىق جاس كورەرمەن تەاترى, استانالىق تسيرك, «ناز» مەملەكەتتىك بي تەاترى, استانا قالاسى ورتالىقتاندىرىلعان كىتاپحانالار جۇيەسى جانە ءا.مامبەتوۆ اتىنداعى مەملەكەتتىك دراما جانە كومەديا تەاترىنداعى جۇپتار. قورىتىندىسىندا ءا.مامبەتوۆ اتىنداعى مەملەكەتتىك دراما جانە كومەديا تەاترى – نۇرجىگىت ءمۇسىلىموۆ-ايدانا قۇراشەۆا 3-ورىن, استانالىق تسيرك – ناتاليا رۋميانتسەۆا-عابيدەن ەركىنبەك 2-ورىن, ق.قۋانىشباەۆ اتىنداعى مەملەكەتتىك اكادەميالىق قازاق مۋزىكالىق-دراما تەاترى – ولجاس يبراەۆ-جۇلدىز يبراەۆا ءبىرىنشى ورىندى يەلەندى.
