ەركەعالي راحماديەۆ اتىنداعى مەملەكەتتىك اكادەميالىق فيلارمونيانىڭ «سارىارقا» حالىق مۋزىكاسى انسامبلى «ءور التاي» كونتسەرتتىك باعدارلاماسىن ۇسىندى. كونتسەرت قر ۇلتتىق اسكەري-پاتريوتتىق ورتالىعىنىڭ ساحناسىندا ءوتتى.
كورنەكتى قالامگەر, ەتنوگراف-عالىم اقسەلەۋ سەيدىمبەك التاي-تارباعاتاي اندەرىن «قوڭىر اندەر» دەپ اتادى. ولاردى قازاق ءان ونەرىنىڭ بەس نەگىزگى مەكتەبىنە جاتقىزىپ, وسى اندەردىڭ تابيعاتى مەن تاريحىنا عىلىمي تالداۋ جاسادى. التاي مەن تارباعاتاي اندەرىن قازاقتىڭ ەڭ كونە مۇراسى دەپ تانۋعا بولادى.
«سارىارقا» ءانسامبلى كونتسەرتتە قايراقبايدىڭ «ورەلى كەر» جانە «تەلقوڭىر», بايجىگىتتىڭ «كوكسەركە», عابدىلحاق بارلىقوۆتىڭ «ساعىنىش سازى», توعجان ءجاحيننىڭ «بابالار مەكەنى – التاي», مۇقاش تاڭعىتتىڭ «كوگالدا», ەرجان توقسابانوۆتىڭ «ءور التاي» شىعارمالارىن ورىندادى.
انسابلمەن بىرگە ساحنادا فيلارمونيانىڭ «حالىق ءانى» ءبولىمىنىڭ انشىلەرى جاقسىگەلدى ماياساروۆ, سەكەن سىزدىق, دانيار مۇقان, نۇراي تاناباەۆ, زينات قاسىموۆا, قازاقستانىڭ ەڭبەك سىڭىرگەن قايراتكەرلەرى ايگۇل قوسانوۆا, گۇلزيرا بوكەيحان, گۇلميرا سارينا ونەر كورسەتتى. ولار «جورعاتاي», «ءور التاي», «ايحاي جالعان», «كوزىڭنىڭ ءمولدىرىن-اي», «اق كويلەك», «اعاجاي التاي», «گۇلداريعا» حالىق اندەرىن شىرقادى.
كونتسەرتكە مەيرام ايتماعانبەتوۆ, ەرجان توقسابانوۆ, شىعىس ماحان التاي-تارباعاتاي مۋزىكالىق ءداستۇرىنىڭ ءىنجۋ-مارجاندارىن ۇسىندى. شاقىرىلعان ارتىستەر – كۇيشىلەر قايرات ايتباەۆ, مارات نۇكەەۆ جانە اقجۋسان يمانعازىقىزى التاي-تارباعاتاي مەكتەبىنىڭ شىعارمالارىن شەرتتى.
