ەلوردانىڭ 25 جىلدىعىنا وراي استانا تۋرالى ۇزدىك اندەرگە بايقاۋ جاريالانادى

بايقاۋعا قاتىسۋعا بارلىق قازاقستاندىق سازگەرلەر شاقىرىلادى. بايقاۋدى استانا قالاسىنىڭ ىشكى ساياسات باسقارماسىنىڭ قولداۋىمەن «Elorda Aqparat» مەدياسەرىكتەستىگى (قازاقستان كومپوزيتورلار وداعىمەن بىرلەسە) ۇيىمداستىرادى.

كونكۋرسقا استانا تۋرالى مەملەكەتتىك جانە ورىس تىلدەرىندە جارىققا شىققان اندەر قابىلدانادى.

ۇزدىك اندەردى بەلگىلى سازگەرلەردەن جانە ەلورداداعى وسى سالانىڭ قۇرمەتتى وكىلدەرىنەن قۇرالعان كونكۋرستىق كوميسسيا ايقىندايتىن بولادى.

ەڭ ۇزدىك جۇمىستار استانانىڭ 25 جىلدىعىنا ارنالعان ءان جيناعىنا ەنەتىن بولادى.

وتىنىمدەر 2023 جىلدىڭ 10 ماۋ­سىمىنا دەيىن مىنا ەلەكتروندىق پوشتا ارقىلى قابىلدانادى: elordainfo23@gmail.com

ۇيىمداستىرۋ كوميتەتىنىڭ بايلانىس تەلەفونى: 8-778-143-06-11, 8-778-155-61-11 (WhatsApp).

ەلوردانىڭ 25 جىلدىعىنا وراي استاناعا ارنالعان «ەل جۇرەگى – استانا» اتتى رەسپۋب­ليكالىق ۇزدىك ­اندەر باي­قاۋىن وتكىزۋ قاعيدالارى

1-تاراۋ. جالپى ەرەجەلەر

• كونكۋرس استانا قالاسىنىڭ 25 جىلدىق مەرەيتويىنا ارنالىپ وتكىزىلەدى.
• كونكۋرستىڭ ۇيىمداستىرۋشىسى «Elorda Aqparat» جشس (بۇدان ءارى – كونكۋرستى ۇيىمداستىرۋشى) بولىپ تابىلادى.

2-تاراۋ. كونكۋرستىڭ ماقساتى مەن مىندەتتەرى

• استانا قالاسىن انگە قوسۋ ارقىلى ەل ىشىندە كەڭىنەن ناسيحاتتاۋ;
• ەلوردا تۋرالى جاڭا مۋزىكالىق شىعارمالاردىڭ جازىلۋىنا جول اشۋ;
• ونەر تۋىندىلارى ارقىلى قازاقستاندىق پاتريوتيزم مەن ۇلتتىق مادەنيەتكە دەگەن سۇيىسپەنشىلىكتى قالىپتاستىرۋ;
• وتاندىق اۆتورلاردى قولداۋ;
• ەلگە, استاناعا پاتريوتتىق كوز­قاراستار قالىپتاستىراتىن مادەني ونىمدەر جاساۋ.

3-تاراۋ. كونكۋرستىڭ وتكىزىلۋ ءتارتىبى

• كونكۋرس 2023 جىلعى 22 مامىردان باستاپ 10 ماۋسىمعا دەيىن وتكىزىلەدى.
• كونكۋرسقا تۋىندى اۆتورلارى (بۇدان ءارى – قاتىسۋشىلار) قاتىسادى, جاس ەرەكشەلىكتەرىنە شەكتەۋ جوق.
• كونكۋرس ناتيجەسىندە قازىلار القاسىنىڭ وڭ باعاسىنا يە بولعان شىعارمالار استانانىڭ 25 جىلدىعىنا وراي جارىق كورەتىن «ەل جۇرەگى – استانا» اتتى ءان جيناعىنا ەنگىزىلەدى.
• كونكۋرسقا ۇسىنىلعان تۋىندىلار رەتسەنزيالانبايدى جانە قايتارىلمايدى.
• كونكۋرسقا قاتىسۋ ءۇشىن قاتىسۋشىلار 2023 جىلعى 22 مامىردان باستاپ 10 ماۋسىمعا دەيىن وسى قاعيدالاردىڭ 1-قوسىمشاسىنا سايكەس مىناداي قۇجاتتار مەن ماتەريالداردى قوسىمشا بەرە وتىرىپ, ءوتىنىم جولدايدى:

1) PDF فورماتىندا جەكە تۇلعانى كۋالاندىراتىن قۇجاتتىڭ كوشىرمەسى;

2) شىعارماشىلىق ءومىربايانى.

سونداي-اق, قاتىسۋشى تۋىندى بويىنشا وتىنىمگە قوسىمشا مىناداي قۇجاتتاردى ۇسىنادى:

• تۋىندىنىڭ مر3 فورماتىنداعى اۋديوجازباسى;
• پارتيتۋرا جانە كلاۆير («Finale» نەمەسە «Sibelius» نوتالىق رەداكتورلار نەمەسە JPEG نەمەسە PDF فورماتىنداعى باسقا نوتالىق رەداكتورلار فورماتىندا);
• وتىنىمدەر elordainfo23@gmail.com ەلەكتروندى پوشتاسىنا جولدانادى.

سۇراقتار بويىنشا ۇيلەستىرۋشى تەلەفوندارى: 8-778-143-06-11; 8-778-155-61-11.

4-تاراۋ. ۇيىمداستىرۋ كوميتەتى

كونكۋرستى ۇيىمداستىرۋ جانە وتكىزۋ ءۇشىن ەلوردانىڭ 25 جىلدىعىنا وراي استاناعا ارنالعان «ەل جۇرەگى – استانا» اتتى ۇزدىك اندەر كونكۋرسىن وتكىزۋ جونىندەگى ۇيىمداستىرۋ كوميتەتى (بۇدان ءارى – ۇيىمداستىرۋ كوميتەتى) قۇرىلادى.

• كونكۋرستى جان-جاقتى اقپاراتتاندىرۋ ماقساتىندا ۇيىمداستىرۋ كوميتەتى بۇقارالىق اقپارات قۇرالدارىنا حابارلاندىرۋلار مەن حابارلامالار ۇسىنادى جانە قاعيدالار «Elorda Aqparat» جشس-كە قاراستى «Astana aqshamy», «ۆەچەرنيايا استانا» گازەتتەرى مەن ولاردىڭ سايتتارىندا جانە «elorda.info» جەلىلىك باسىلىمىندا جاريالانادى.

5-تاراۋ. كونكۋرستىڭ قازىلار القاسى

• تۋىندىلاردى باعالاۋ, سونداي-اق, بايقاۋ قورىتىندىسى تۋرالى شەشىمدەر قابىلداۋ ءۇشىن قازىلار القاسى قۇرىلادى.

قازىلار القاسى:

• بايقاۋ قورىتىندىسى بويىنشا جارىق كورەتىن ءان جيناعىنا ەنەتىن تۋىندىلاردى انىقتايدى.
• قازىلار القاسىنىڭ قۇرامى, ونىڭ توراعاسىن قوسا العاندا, 5 ادام­نان قۇرالادى.
• قازىلار القاسىنىڭ شەشىمى كوپشىلىك داۋىسپەن قابىلدانادى. داۋىستار تەڭ بولىنگەن جاعدايدا, توراعانىڭ داۋىسى شەشۋشى بولىپ تابىلادى.
• قازىلار القاسىنىڭ شەشىمى توراعا مەن قازىلار القاسىنىڭ بارلىق قاتىسقان مۇشەلەرى قول قوياتىن حاتتامامەن رەسىمدەلەدى.

7-تاراۋ. قورىتىندى ەرەجەلەر

• وسى قاعيدالاردا قاراستىرىلماعان بارلىق ماسەلەلەر قازاقستان رەسپۋبليكاسىنىڭ قولدانىستاعى زاڭناماسىنا سايكەس رەتتەلەدى جانە شەشىلەدى.

رەسپۋبليكالىق «ەل جۇرەگى – استانا» اتتى جاڭا ونەر تۋىندىلارىنا ارنالعان كونكۋرستى وتكىزۋ قاعيدالارىنا

1-قوسىمشا نىسان

رەسپۋبليكالىق «ەل جۇرەگى – استانا» اتتى جاڭا ونەر تۋىندىلارىنا ارنالعان كونكۋرسقا قاتىسۋعا ءوتىنىم