استانانىڭ 7 كوشەسىنە جالپى ۇزىندىعى 58,6 كم Bus Lane قوعامدىق كولىگى ءۇشىن بولىنگەن جولاقتاردى ەنگىزۋ جوسپارلانىپ وتىر, دەپ حابارلايدى astana-akshamy.kz
الداعى ۋاقىتتا ارنايى جولاقتار ماڭگىلىك ەل, تۇران, تاۋەلسىزدىك, ۇلى دالا, ر.قوشقارباەۆ داڭعىلدارىندا, كەرەي جانىبەك حاندار, ش.ايتماتوۆ كوشەلەرىندە پايدا بولادى.
بولىنگەن جولاقتاردى ەنگىزۋ مەرزىمى مامىر ايىنىڭ سوڭىنا جوسپارلانىپ وتىر.
بۇل قوعامدىق كولىكتىڭ ءجۇرۋ ۋاقىتىن 6 مينۋتقا قىسقارتادى. ماسەلەن, 18 مينۋتتان 12 مينۋتقا دەيىن. سونداي-اق, اۆتوبۋستاردىڭ قوزعالىس جىلدامدىعىن 16 كم/ساع-تان 19 كم/ساع-قا دەيىن ارتتىرۋعا ىقپال ەتەدى.
Bus Lane جوباسى العاش رەت استانا قالاسىندا 2015 جىلى 26 شىلدەدە ەكى ۋچاسكەدە پيلوتتىق رەجيمدە ەنگىزىلگەن: مومىشۇلى داڭعىلى ابىلاي حان داڭعىلىنان سارايشىق كوشەسىنە دەيىن جانە بوگەنباي باتىر داڭعىلى ءۋاليحانوۆ كوشەسىنەن سارىارقا داڭعىلىنا دەيىنگى ارالىقتا.
قازىر قالادا اۆتوبۋستار ءۇشىن جولاقتاردىڭ جالپى ۇزىندىعى 100,5 كم قۇرايدى جانە 27 جول بولىگىندە ەنگىزىلگەن.
