استانادا العاش رەت رەسپۋبليكا كولەمىندە موتوماۋسىمنىڭ سالتاناتتى اشىلۋى ءوتتى. بۇل فەستيۆال قالالىق اكىمدىكتىڭ قوموتوشەرۋ ەلوردالىق ساياباقتان باستالىپ, «استانا ارەنا» ستاديونىنا دەيىن جالعاستى.
وعان 500-گە تارتا بايكەر قاتىسىپ, بەلگىلەنگەن مەجەنى تۇران داڭعىلىنىڭ بويىمەن ءجۇرىپ ءوتتى. رەسپۋبليكالىق فەستيۆالگە قازاقستاننىڭ عانا ەمەس, شەت ەلدەردىڭ موتوتسيكلشىلەرى دە قاتىستى.
– بۇرىن اۋا رايىنىڭ جىلىنۋىنا قاراي ەلىمىزدىڭ ءار وڭىرىندە موتوماۋسىمنىڭ اشىلۋى ءتۇرلى ۋاقىتقا تاپ كەلەتىن. ال بيىل ءبىز سونىڭ ءبارىن بىرىكتىرىپ, ۇلكەن مەرەكە رەتىندە باس قالادا ۇيىمداستىرۋدى ءجون دەپ سانادىق. بۇعان گەرمانيا, گوللانديا جانە جاقىن ورنالاسقان رەسەي, وزبەكستان, قىرعىزيا, ۋكراينا ەلدەرىنەن ارنايى قوناقتار كەلدى, – دەدى «Road Brothers» موتوكلۋبىنىڭ وكىلى سەرىك شالامباەۆ.موتو دۋماننىڭ باستى ماقساتتارىنىڭ ءبىرى – قوس دوڭعالاقتى كولىكتى دۇرىس جۇرگىزۋ مادەنيەتىن كورسەتۋ.تيۋمەن قالاسىنان كەلگەن ۆلاديمير بەتمەن اتتى بايكەرگە قازاقستان تاڭسىق جەر ەمەس ەكەن. ول جازعى دەمالىستا وسىندا ءجيى كەلەتىنىن, بالقاشتى قاتتى ۇناتقانىن, 2007 جىلدان بەرى 10 جىل كولەمىندە ءبىزدىڭ ەلگە جىلدا ات باسىن بۇراتىنىن جەتكىزدى.
سونىمەن قاتار, جاڭا ماۋسىمنىڭ اشىلۋىنان جاس بايكەرلەر دە قاپى قالمادى. اۆتوموتوسپورت سالاسىنىڭ ارداگەرى يگور گاۆريلەنكونىڭ ايتۋىنشا, قازاقستاندا ءۇش بالالار اۆتوموتو مەكتەبى بار. ولار استانا, قوستاناي جانە اقتوبە قالالارىندا ورنالاسقان.موتوشەرۋ مارەسىنە جەتكەن «استانا ارەنا» سپورت كەشەنىنىڭ الدىنداعى الاڭدا كوڭىلدى كونتسەرت قويىلدى. وندا بەلارۋس جانە رەسەيدەن كەلگەن موتوتسيكل جۇرگىزۋدىڭ قىر-سىرىن جاقسى بىلەتىن شەبەرلەر ونەر كورسەتتى. سونداي-اق, بۇل شارادا سيرەك كەزدەسەتىن كونە كولىكتەردىڭ كورمەسى ءوتتى.لداۋىمەن ەكسپو كورمەسىنە وراي ۇيىمداستىرىلدى
ورىنبەك وتەمۇرات
