استانادان اۋىلعا دەيىن…
اقمولا
وبلىس اكىمى بۋرابايدا ءتۋريزمدى دامىتۋ بارىسىندا ىسكە اسىرىلاتىن نەگىزگى جوبالاردى تانىستىردى. كۋرورتتى ايماقتا الداعى جىلدارى سپورت جانە ساۋىقتىرۋ ورتالىقتارى, وتباسىلىق وتەلدەر, اكۆاساياباق, سىرعاناۋ الاڭدارى سەكىلدى ءتۇرلى كوڭىل كوتەرۋ ورىندارى اشىلماق. سونىمەن قاتار, تۋريستەردى كوبىرەك تارتۋ ماقساتىندا كوتتەدجدەر قالاشىعىن اشۋ دا جوسپارلانىپ وتىر.
قاراعاندى
«رۋحاني جاڭعىرۋ» جوباسى اياسىندا قاراعاندى ءوڭىرى بويىنشا سپورتتىق كەرۋەن ۇيىمداستىرىلدى. شارا بارىسىندا قاراعاندىلىق بەلگىلى سپورتشىلار الىس-جاقىن ماڭايداعى اۋىل بالالارىنا شەبەرلىك سىنىپتارىن ۇيىمداستىرىپ, اشىق جاتتىعۋلار وتكىزدى.
اتىراۋ
اتىراۋدا «تسيفرلى قازاقستان» مەملەكەتتىك باعدارلاماسى اياسىندا «ە-پيك» جوباسى ەنگىزىلەدى.
تۇركىستان وبلىسى
جەتىساي اۋدانىنداعى قىزىلقۇم اۋىلدىق وكرۋگىنە قاراستى اقتوبە اۋىلىندا 300 ورىنعا شاقتالعان جاڭا مەكتەپ پايدالانۋعا بەرىلدى. وبلىستا الداعى جىلى 40-قا جۋىق ءبىلىم ۇياسىنىڭ قۇرىلىسى باستالادى.
جامبىل وبلىسى
جامبىل وبلىسىندا مۇمكىندىگى شەكتەۋلى ازاماتتاردى وڭالتۋ ءۇشىن وڭىرلىك بيۋدجەتتەن 662,8 ملن تەڭگە كولەمىندە قارجى ءبولىندى. بۇل سوما وتكەن جىلمەن سالىستىرعاندا 12,5 پايىزعا كوپ بولىپ وتىر.
اقتوبە
بىلتىر اقتوبە قالاسىنداعى 13 مەكتەپ ءۇش اۋىسىمدا ءبىلىم بەرگەن. بيىل قالالىق ءبىلىم ءبولىمى ەسكى مەكتەپتەردىڭ جانىنا جاڭا عيمارات سالۋ ارقىلى ءۇش اۋىسىمدى مەكتەپ ماسەلەسىن شەشتى.
پاۆلودار
ەكىباستۇزدا شاحتەر كۇنى تويلاندى. ەرتىس ءوڭىرىنىڭ كەنشىلەرى كاسىبي مەرەكە قارساڭىندا 30,8 ميلليون توننادان اسا كومىر ءوندىردى. بۇل وتكەن جىلعى كورسەتكىشتەن 5,5 پايىزعا ارتىق.