كەشە بالالاردى قورعاۋ كۇنىنە وراي استانادا بالالار مەن جاستار مۋزىكالىق وركەسترلەرىنىڭ جانە انسامبلدەرىنىڭ شەرۋى بولدى.
مەرەكەلىك شاراعا مەكتەپ وقۋشىلارى مەن كوللەدج ستۋدەنتتەرى, مۋزىكالىق مەكتەپ, ونەر مەكتەبى, وقۋشىلار سارايى تاربيەلەنۋشىلەرى جانە قازۇوۋ ستۋدەنتتەرى قاتىستى. شارا بارىسىندا 7 مىڭعا جۋىق ءجاسوسپىرىم اباي, رەسپۋبليكا داڭعىلدارى مەن كەنەسارى كوشەسىنىڭ بويىمەن ساپ تۇزەپ ءجۇرىپ ءوتتى. بالالار مەن جاستاردىڭ مۋزىكالىق ءمادەنيەتىن دامىتىپ قانا قويماي, ولاردىڭ ءوز ءبىلىم مەكەمەسىنە دەگەن ماقتانىش سەزىمىن وياتۋ, رەسپۋبليكالىق ءبىلىم مەكەمەلەرىنىڭ ابىرويىن كوتەرۋ ماقساتىندا وتكەن شارانىڭ ەرەكشەلىگى ءار كولوننا ءتۇرلى مۋزىكالىق جانر تۇرىندە قالانىڭ ءتورت اۋدانىن بەينەلەدى. مىسالى, بايقوڭىر اۋدانى جاڭاشىلدىق پەن دامۋ ەنەرگياسىن كورسەتسە, سارىارقا اۋدانى فولكلورلىق اۋەندى شىرقادى. ال الماتى اۋدانى ۇلى مۋزىكانتتاردىڭ ءوشپەس تۋىندىلارىن ورىنداپ, كلاسسيكالىق اۋەندى اۋەلەتسە, ەسىل اۋدانى ەسترادالىق مۋزىكاعا كەزەك بەردى. قىزىقتى رەپەرتۋارلار مەن ءارتۇرلى مۋزىكالىق اسپاپتار, قاتىسۋشىلاردىڭ كيىم ۇلگىلەرى – بارلىعى بالالار مەرەكەسىن ۇمىتىلماستاي ەتىپ, ەرەكشەلەي ءتۇستى.
