كەشە بۇكىلالەمدىك قورشاعان ورتانى قورعاۋ كۇنىنە وراي, رەسپۋبليكالىق «بايتاق بولاشاق» ەكولوگيالىق اليانسى ەلورداداعى №48 مەكتەپ-ليتسەيدە اعاش ەگۋ شاراسىن وتكىزدى.
ءىس-شاراعا اتالعان ءبىلىم ورداسىنداعى وقۋشىلارمەن قاتار مۇعالىمدەر, ەۋرازيا ۇلتتىق ۋنيۆەرسيتەتىنىڭ ستۋدەنتتەرى جانە لاگەر بۇلدىرشىندەرى قاتىستى. ولار مەكتەپ اينالاسىنا جيىرما شاقتى قاراعاي مەن شىرشا وتىرعىزدى.
– بيىل تەك نۇر-سۇلتان قالاسى بويىنشا مىڭ اعاش وتىرعىزىلادى دەپ جوسپارلاندى. قازىر اعاش ەگۋ ناۋقانى اياقتالىپ قالدى, ەندى اكتسيا كۇز ايلارىندا جالعاسىن تابادى, – دەدى «بايتاق بولاشاق» ەكولوگيالىق اليانسىنىڭ توراعاسى ازاماتحان ءامىرتاي.
ايتا كەتەيىك, بۇل اليانستىڭ ۇيىمداستىرۋمەن «قازاقستانداعى سۋ ماسەلەسىنىڭ جاعدايى جانە ونى شەشۋ جولدارى» اتتى III حالىقارالىق ەكولوگيالىق كونگرەسس, «ءار قازاقستاندىققا – ءبىر تال» سياقتى ەكو-شارالار وتكىزىلىپ كەلەدى.
انەل جارىلعاسىنقىزى,
قارجى اكادەمياسىنىڭ ستۋدەنتى
