قۇرمەتتى استانالىقتار جانە قالا مەيماندارى!
سىزدەردى 7 مامىر – قازاقستان رەسپۋبليكاسى وتان قورعاۋشىلار كۇنى مەرەكەسىمەن شىن جۇرەكتەن قۇتتىقتايمىن!
بۇل مەيرام – قايسارلىق پەن قاھارماندىقتىڭ ۇرانىنا, بيىك رۋح پەن ءورشىل وتانسۇيگىشتىكتىڭ تۇمارىنا اينالعان كۇن. سەبەبى, ايبىنى اسقاق, تۋى بيىك, تۇعىرى نىق قازاقستان قارۋلى كۇشتەرى – قاشاندا وتان تىنىشتىعىنىڭ سەنىمدى تەتىگى, بەيبىت ەلىمىزدىڭ ەگەمەندىگى مەن ءبىرتۇتاس جەرىمىزدىڭ تۇتاستىعىنىڭ كەپىلى.
ەلباسىنىڭ جارلىعىمەن بەكىپ, تاۋەلسىز قازاقستان تاريحىندا تۇڭعىش رەت تويلانىپ وتىرعان وسىناۋ مەرەكە ەلوردامىزدىڭ بيىلعى 15 جىلدىق مەرەيتويىمەن تۇسپا-تۇس
كەلىپ وتىر.
جاۋىنگەر رۋحتى اتا-بابالارىمىزدىڭ ەرلىك ءداستۇرىنىڭ زاڭدى جالعاسىن بىلدىرەتىن وسىناۋ مەرەيلى كۇنى بارشاڭىزعا قۋانىش پەن شاتتىق, دەندەرىڭىزگە ساۋلىق, وتباسىلارىڭىزعا اماندىق تىلەيمىن.
ىزگى نيەتپەن, استانا قالاسىنىڭ اكىمى يمانعالي تاسماعامبەتوۆ
