ايتۋلى سەرتيفيكاتقا يە بولدىق
سەرىك اقشولاقوۆ, رەسپۋبليكالىق نەيروحيرۋرگيا عىلىمي ورتالىعىنىڭ باسقارما باسشىسى
بۇل اپتا ءبىز ءۇشىن جاعىمدى جاڭالىقتارعا تولى بولدى. 30 ءساۋىر كۇنى رەسپۋبليكالىق نەيروحيرۋرگيا عىلىمي ورتالىعىنىڭ حالىقارالىق Joint Commission International (JCI) بىرىككەن كوميسسياسىندا تىركەلگەنى تۋرالى سەرتيفيكاتىن تاپسىرۋدىڭ سالتاناتتى ءراسىمى ءوتتى.
بۇل جەتىستىك – ساپا مەن قىزمەت كورسەتۋ قاۋىپسىزدىگىنىڭ ناقتى تانىلعان «التىن ستاندارتى» بولىپ تابىلادى. ءبىزدىڭ ورتالىق – JCI حالىقارالىق بىرىككەن كوميسسياسى اككرەديتاتسياسىنا ءوز الدىنا يە بولعان قازاقستانداعى تۇڭعىش مەكەمە. بۇل قازاقستاندىق دارىگەرلەردىڭ, مەديتسينا بيكەلەرى مەن دەنساۋلىق ساقتاۋ اكىمشىلەرىنىڭ جوعارى الەۋەتىن بىلدىرەدى دەپ ويلايمىن.
بۇگىندە الەمنىڭ 90-نان استام ەلىندە 450-گە تارتا مەديتسينالىق ۇيىمدار JCI حالىقارالىق بىرىككەن كوميسسياسىندا اككرەديتاتسيالانعان. «رەسپۋبليكالىق نەيروحيرۋرگيا عىلىمي ورتالىعى» اق اتالعان اككرەديتاتسيانى العان ەلىمىزدەگى ەكىنشى, تمد-داعى ءۇشىنشى ۇيىم. اككرەديتاتسيا مارتەبەسى اۋديتورلار توبىنىڭ تەكسەرۋىنە سايكەس 1200 حالىقارالىق ستاندارت تالاپتارىنا سايكەسكەن جاعدايدا عانا بەرىلەدى. اتالعان ستاندارت بويىنشا, مەديتسينالىق ۇيىمداعى بارلىق بولىمشەلەر مەن ۇدەرىستەر باعالانادى. اتاپ ايتقاندا: ءدارىگەردىڭ ەمدەۋى مەن مەدبيكەنىڭ عيماراتتىڭ قاۋىپسىزدىگىنە, جۇقپالى اۋرۋلاردى باقىلاۋ, مەديكامەنتتەرمەن جۇمىس ىستەۋ, پاتسيەنتتىڭ قۇقىن قورعاۋعا دەيىنگى جاۋاپ بەرۋى, تاعى باسقالار ەسكەرىلەدى. بۇل ءىس-شاراعا قر پرەمەر-ءمينيسترىنىڭ ورىنباسارى ە.ورىنباەۆ, قر دەنساۋلىق ساقتاۋ ۆيتسە-ءمينيسترى ب.توكەجانوۆ, «نازارباەۆ ۋنيۆەرسيتەتى» اق رەكتور-پرەزيدەنتى Shigeo Katsu, «نمح» اق باسقارما توراعاسى ا.Kenneth, قر پارلامەنتىنىڭ دەپۋتاتتارى قاتىستى. بۇل – ءبىز ءۇشىن ۇلكەن مارتەبە. حالىقتىڭ دەنساۋلىعىن قاداعالاۋدا الداعى ۋاقىتتا دا ساپالى قىزمەت كورسەتەمىز دەگەن سەنىمدەمىن.