استانا قالاسى سارىارقا اۋدانىنىڭ پروكۋراتۋراسى 1987 جىلى تۋىلعان ازامات ا.سۋراگانوۆتىڭ ۇستىنەن قىلمىستىق كودەكستىڭ 353-بابى بويىنشا (كۋاگەردىڭ نەمەسە جابىرلەنۋشىنىڭ جاۋاپ بەرۋدەن باس تارتۋى) قوزعالعان ءىستىڭ پروتسەسسۋالدىق شەشىمىنىڭ زاڭدىلىعىن تەكسەردى.
قىلمىستىق ءىس قۇجاتتارىنان 2013 جىلدىڭ 17 قاڭتار كۇنى ساعات 18:30-دا ا.سۋراگانوۆ تەرروريستىك اكتىگە دايىندالۋ ايىبى بويىنشا قوزعالعان قىلمىستىق ىسكە كۋاگەر رەتىندە تەرگەۋشىگە جاۋاپ بەرۋدەن باس تارتقانى انىقتالدى. نە سەبەپتى جاۋاپ بەرگىسى كەلمەيتىنىن تۇسىندىرمەگەن. ول قازاقستان رەسپۋبليكاسىنىڭ قىلمىستىق ىستەر جۇرگىزۋ كودەكسىنىڭ تالاپتارىن ەلەمەۋمەن قاتار قۇقىق قورعاۋ ورگاندارىنىڭ قالىپتى جۇمىس ىستەۋىنە كەدەرگى كەلتىرگەن.
سارىارقا اۋدانىنىڭ پروكۋراتۋراسى ا.سۋراگانوۆقا تاعىلعان ايىپتى نەگىزدى دەپ تاۋىپ, ايىپتالۋشىنى سوتقا بەرۋ قاۋلىسىنا قول قويدى. قىلمىستىق ءىس قۇجاتتارى ءارى قاراي قاراۋ ءۇشىن سوتقا جولدانعان.
ءىس قورىتىندىسى ايىپتالۋشىعا پوشتا ارقىلى جىبەرىلدى.
ەربول جانات
