استانا قالاسىندا وتباسى كۇنىنە ارنالعان دۋماندى شارالار سالتانات قۇردى. سونىڭ ءبىرى – كوپشىلىكتى بىرلىككە باستاعان – «وتباسىلىق دۋاتلون» جارىسى.
دۋاتلون – اتى ايتىپ تۇرعانداي جۇگىرىپ جانە ۆەلوسيپەدپەن جارىساتىن قوس سايىس. استانادا جاقسى داستۇرگە اينالعان بۇقارالىق سپورت ءتۇرى بۇل جولى بۇرىنعىدان وزگەرەك ءوتتى. ناقتىراق ايتساق, بەلگىلەنگەن قاشىقتىقتى ادەتتەگىدەي ءار قاتىسۋشى جەكە دارا ەمەس, تۇتاس وتباسى بولىپ باعىندىرادى.
ەستافەتا تۇرىندەگى جارىس استانا ترياتلون پاركىندە ءوتتى. وتباسىلىق دۋاتلوننىڭ مەجەسى – 4,5 شاقىرىم. بۇل ارالىقتىڭ ءوزى ءۇش كەزەڭگە ءبولىندى. جارىس جولىن الدىمەن ءۇيدىڭ وتاعاسى – اكەسى باستاپ, 2,1 شاقىرىمدى جۇگىرىپ وتەدى. سودان كەيىن اناسى جالعاستىرىپ, ۆەلوسيپەدپەن 2,1 شاقىرىمدى ەڭسەرەدى. ال قالعان 300 مەترگە بالاسى جۇگىرىپ, مارە سىزىعىن كەسەدى.
جارىس جەڭىمپازدارى ءۇش سانات بويىنشا انىقتالدى. مۇندا تەك بالالاردىڭ عانا جاس ەرەكشەلىكتەرى ەسكەرىلدى. سونىمەن, بۇل دودادا 40 وتباسى باق سىنادى. سولاردىڭ ىشىنەن مەرەيى تاسىعان اۋلەتتەر مىنالار:
8-9 جاس دارەجەسى بويىنشا ۆيشكياكوۆتار توپ جارىپ, ەكىنشى ورىندى زايتسەۆتەر, ءۇشىنشى ورىندى بەليشكيندەر وتباسى الدى.
10-11 جاسار بالاسى بارلاردان دجەنگيز وتباسى ۇزىك بولسا, ەكىنشى ورىن قوجانوۆتارعا, ءۇشىنشى ورىن تولەگەنوۆتەرگە بۇيىردى.
ال 12-13 جاس دارەجەسىندە ساليكجانوۆتار جەڭىمپاز اتاندى. ەكىنشى ورىننان شەۆچەنكو, ءۇشىنشى ورىننان قۋانىشباەۆ وتباسى كورىندى.
