الەۋمەتتىك جەلىنىڭ پوليتسەيگە كومەگى كوپ
الەۋمەتتىك جەلىنى قولدانۋشىلار جول ءجۇرۋ ەرەجەسىن بۇزعان وقيعالاردى جەكە پاراقشالارىنا قويىپ, فوتوسىمەن جاريالاپ جاتادى. ەندى استانا قالالىق ءىىد اكىمشىلىك پوليتسيا باسقارماسى الەۋمەتتىك جەلىدە جازىلعان جايتتاردى دا ەسكەرۋسىز قالدىرماۋعا بەل بايلاپ وتىر.
قازىردىڭ وزىندە الەۋمەتتىك جەلى قولدانۋشىلارىنىڭ كومەگىمەن استانالىق جول ساقشىلارى جولدىڭ قاراما-قارسى بەتىنە شىعىپ كەتكەن 4 ءجۇرگىزۋشىنى اكىمشىلىك جاۋاپكەرشىلىككە تارتقان.
سوندىقتان, اكىمشىلىك پوليتسيا باسقارماسىنىڭ ەرەكشە تاپسىرمالار جونىندەگى اعا ينسپەكتورى لاريسا كراسنيكوۆا جولداعى زاڭ بۇزۋشىلىققا بەي-جاي قاراماي, پوليتسەيلەرگە جاردەمدەسكەن الەۋمەتتىك جەلى قولدانۋشىلارىنا العىسىن ايتا وتىرىپ, قانداي دا ءبىر قۇقىق بۇزۋشىلىقتىڭ كۋاگەرلەرىن بەيقام قالماي,«102» تەلەفونىنا نەمەسە استانا قالاسى ىشكى ىستەر دەپارتامەنتىنىڭ mvd.gov.kz پورتالىنا حابارلاسۋعا شاقىرادى.