ەلامان بەيسەنوۆ, قالا تۇرعىنى:
– مەن تۇرىپ جاتقان ءۇيدىڭ جەر ۋچاسكەسى اۋىلشارۋاشىلىعى ماقساتىندا پايدالانۋعا جاتادى. كەزىندە پاتەر جالداپ قينالىپ جۇرگەندە ارزان اقشاعا ساتىپ الىپ, ەكى بولمەلى ءۇي تۇرعىزدىق. ەندى ءبىز تۇرعان اۋدانداعى (نازارباەۆ ۋنيۆەرسيتەتى) ساياجايلار بيىلدان قالماي تۇگەل سۇرىلەدى دەپ جاتىر. گازەت ارقىلى انىق-قانىعىن بىلەيىن دەپ ەدىم…
وقىرمان ساۋالىنا «استانا باس جوسپارى» عزجي» جشس باس ساۋلەتشىسى ارسەني پيروجكوۆتىڭ جاۋابىن ۇسىنامىز:
– جالپى, جوسپار بويىنشا قالا ىشىندەگى بارلىق ساياجايلار سۇرىلەدى. كەلەسى جىلى قابانباي باتىر داڭعىلىنىڭ سول جاعىنداعى ساياجاي الابى ىسىرىلادى. ودان كەيىنگى كەزەكتە نازارباەۆ ۋنيۆەرسيتەتىنە جەتپەي وڭ جاقتاعى ساياجايلار بار. قازىرگى ۋاقىتتا ينۆەستورلار جەردى ساتىپ الىپ, ىسىرۋ ماسەلەسىمەن اينالىسۋدا. ءارى قاراي سپورت نىساندارى ماڭىنداعى ساياجايلاردى كۇرەۋ كوزدەلگەن. «حان شاتىر» ساۋدا, ويىن-ساۋىق ورتالىعىنىڭ ارتقى جاعىنداعى ساياجايلار دا ينۆەستورلار ەسەبىنەن تەگىستەلەدى.
