تاياۋدا اتا-انالارى اياۋسىز ازاپتالعان «الجير» لاگەرىنىڭ ورنىن كورۋگە رەسەيدەن بىرنەشە ازامات كەلدى. ولاردىڭ جولباسشىسى – رەسەي ۇكىمەتى ۇيىمارالىق ساياسي رەپرەسسيا قۇرباندارى قۇقىعىن قالپىنا كەلتىرۋ جونىندەگى تۇراقتى كوميسسيا توراعاسىنىڭ ورىنباسارى مارينا سۋسلوۆا. كورشى مەملەكەتتەن كەلگەن دەلەگاتسيا استانا قالاسى اكىمدىگىندە ءبىر توپ ارداگەرلەرمەن كەزدەسىپ, وتكەن زار زاماننىڭ كەساپاتىن ەسكە الدى.
رەسەيلىك مەيماندار ەلباسىمىزدىڭ سارابدال ساياساتىن وڭ باعالاپ, ءبىزدىڭ تاريحي مۇرالارعا ەرەكشە كوڭىل بولەتىنىمىزدى اتادى. استانا قالالىق ارداگەرلەر كەڭەسى توراعاسىنىڭ ورىنباسارى مىندەتىن اتقارۋشى قىدىرباي بەيسەنوۆ جاڭا استانامىز جونىندە اڭگىمەلەدى. «كوپ ۇلت باۋىر باسقان قازاقستان جاھانعا بەيبىتسۇيگىشتىگىمەن تانىمال. الەمدىك جانە ءداستۇرلى دىندەر جەتەكشىلەرى سەزىنىڭ استانادا ءوتۋى – ءسوزىمىزدىڭ دالەلى. وسىنداي رۋحاني كەمەلدىكتىڭ ارقاسىندا ەڭبەگىمىز جانىپ, از ۋاقىتتا جاڭا استانانى قالىپتاستىرىپ ۇلگەردىك» دەدى ول.
كەزدەسۋدى ۇيىمداستىرۋعا باستاماشى بولعان استانا قالالىق ىشكى ساياسات باسقارماسىنىڭ ءبولىم باستىعى نۇربول سەرىكبەكوۆ قوناقتارعا سىي-سياپات جاسادى. ولار «الجير» مەموريالدى مۇراجاي كەشەنىن ارالاپ, قاراعاندىعا جول تارتادى.
ءامىرحان الماعانبەتوۆ
