پرەمەرا! تاۋەلسىزدىگىمىزدىڭ 25 جىلدىعىنىڭ اياسىندا م. گوركي اتىنداعى مەملەكەتتىك اكادەميالىق ورىس دراما تەاترى قازاق حالقىنىڭ قاھارماندىق جىرى – «الپامىس» ەپوسىنىڭ جەلىسى بويىنشا «امانات» قويىلىمىن ۇسىنادى.
قازاق حالقىنىڭ اۋىز ادەبيەتىندە «الپامىس باتىردىڭ» ورنى ەرەكشە. باتىرلىق ەپوس – 1000 جىلدان استام ۋاقىت بويى ۇرپاقتان ۇرپاققا بەرىلىپ كەلە جاتقان اسىل مۇرامىز. اڭىز قازاققا دا, بارشا تۇركى تىلدەس حالىققا دا ورتاق. الپامىس ادىلەتتىلىك ءۇشىن كۇرەسكەن باتىر عانا ەمەس. بۇگىندە ول تاۋەلسىز ۇلتتىڭ جاۋىنگەرلىك رۋحىن تانىتادى. ال سول تاۋەلسىزدىكتى ساقتاپ قالۋ كەلەشەك ۇرپاققا امانات. باتىرلىق ەپوس جاس بۋىندى پاتريوتتىق سەزىمگە باۋلۋ جانە وتانىن قورعاۋعا ۇدايى ءازىر بولۋعا دايارلاۋ ماقساتىندا رەپەرتۋارعا ەنگىزىلدى.
ەپوستى قويۋشى-رەجيسسەر – قر ەڭبەك سىڭىرگەن ءارتىسى بەكبولات پارمانوۆ, قويۋشى-سۋرەتشى – قىرعىزستاننىڭ ەڭبەك سىڭىرگەن ونەر قايراتكەرى يۋلداش نۋرماتوۆ. باتىردىڭ كوستيۋمدەرىن داۋىرىنە ساي ەتىپ جاساعان سۋرەتشى زۋحرا مۋكامبەتوۆا دا قىرعىز ەلىنەن كەلدى.
قويىلىمدى 5-6 قاراشا كۇندەرى ساعات 18:00-دە تاماشالاۋعا بولادى.
گۇلدانا تالعاتقىزى
