تاۋەلسىزدىك كۇنىن مەرەكەلەۋ قارساڭىندا قر سىبايلاس جەمقورلىققا قارسى ءىس-قيمىل اگەنتتىگىنىڭ نۇر-سۇلتان قالاسى بويىنشا دەپارتامەنتىنىڭ سەرۆيستىك «Antikor ortalygy» جانە اكىمشىلىك عيماراتى اشىلدى.
ەلىمىزدەگى قۇقىق قورعاۋ قىزمەتتەرىنىڭ ىشىندەگى ەڭ العاشقىسى بولىپ «Open space» فورماتىنا كوشكەن ورگاننىڭ جاڭا قونىسىنىڭ سالتاناتتى اشىلۋى راسىمىنە سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى اليك شپەكباەۆ پەن ەلوردا اكىمى التاي كولگىنوۆ, سونداي-اق ەلىمىزدەگى بىرقاتار ديپلوماتيالىق ميسسيا وكىلدەرى, قالالىق ءماسليحاتتىڭ دەپۋتاتتارى قاتىستى.
– مەملەكەتتىك ورگانداردىڭ قىزمەتكەرلەرى, اسىرەسە پارتيا مۇشەلەرى حالىققا جاقىن بولۋى ءتيىس. جانە قوعامداعى كەز كەلگەن ماسەلەنى دەر كەزىندە شەشىپ, اكىمشىلىك كەدەرگىلەردى جويۋ – بۇگىنگى كۇننىڭ تالابى. مەملەكەت ءىسىنىڭ ساپاسى مەن اشىقتىعىنا جول اشاتىن جاڭا عيماراتتا اتقارىلعان ىستەر پرەزيدەنتىمىز قاسىم-
جومارت كەمەلۇلىنىڭ حالىقتى تىڭداي بىلەتىن ءارى ەستيتىن مەملەكەت قۇرۋدىڭ ماڭىزدى ءبىر قادامى دەۋگە بولادى, – دەدى اكىم التاي كولگىنوۆ.
مارتەبەلى قوناقتار سەرۆيستىك ورتالىقتىڭ عيماراتىن, ارنايى كونسۋلتاتسيالى-كەڭەس بەرۋ بولمەلەرى مەن «استانا – ادالدىق الاڭى» جوبالىق كەڭسەسىنىڭ بولمەسىن سونىمەن بىرگە ءباسپاسوز ورتالىعىن ارالاپ, جۇمىسىمەن تانىستى.
الداعى ۋاقىتتا «Antikor ortalygy» تۇرعىنداردىڭ كەڭەس الىپ, دەپارتامەنت باسشىلارىنىڭ قابىلداۋىنا دا وسى جەردە جازىلىپ, ماسەلەلەرىن شەشە الادى.
ونىڭ ءبىرىنشى قاباتىندا ورنالاسقان «استانا – ادالدىق الاڭى» جوبالىق كەڭسەسىنىڭ جۇمىسى دا جاڭا ساپاعا كوشەدى. جوبا مەنەدجەرى شاۆكات يسمايلوۆ بارلىق اتقارىلعان شارالاردىڭ بارىسىن تىكەلەي ەفيردەن كورسەتەتىن ستۋديا اشىلعانىن ايتتى. ەندى ينتەرنەت پايدالانۋشىلار اراسىندا جىلدام تاراپ, جەدەل حابار الاتىن ادالدىق الاڭى اۋقىمىن كەڭەيتەدى.
