جەدەل جاردەم جەدەل جەتەدى

ەلوردانىڭ جەدەل جاردەم اۆتوپاركى 52 ماشينامەن تولىقتى, ونىڭ 20-سى قازىردىڭ وزىندە لينياعا شىقتى. جىل سوڭىنا دەيىن تاعى 32 اۆتوكولىك قوسىلماق.كولىكتەردىڭ باسىم بولىگى – شۇعىل مەديتسينالىق كومەككە مۇقتاج پاتسيەنتتەردى تاسىمالداۋ, مونيتورينگ جانە ينتەنسيۆتى تەراپيا كومەگىن كورسەتۋ مۇمكىندىگى بار رەانيماتسيا­لىق كولىكتەر.
– مەملەكەت باسشىسى جەدەل مەديتسينالىق قىزمەت كورسەتۋ قىزمەتىن جاڭارتۋعا, مەديتسينالىق قىزمەتتىڭ ساپاسى مەن قولجەتىمدىلىگىن قامتاماسىز ەتۋگە باسا ءمان بەرەدى. بۇل باعىتتا بەلسەندى تۇردە جۇمىس جۇرگىزىپ كەلەمىز. ادامدار ەڭ الدىمەن سىزدەرگە – جەدەل جاردەم قىزمەتىنە حابارلاسادى. سىزدەرگە كوپ نارسە بايلانىستى. سىزدەر – ادام ءومىرىن ساقتاپ قالىپ, ەڭ باستى مىندەتتى اتقارىپ جۇرسىزدەر, – دەدى قالا اكىمى التاي كولگىنوۆ.
اۆتوكولىكتەر دەفيبريلياتورلارمەن جانە جۇرەك قاعىسىنىڭ, سونداي-اق بارلىق ومىرلىك ماڭىزدى كورسەتكىشتەردى تولىق مونيتورينگتەۋ جۇيەسىمەن جابدىقتالعان. بۇدان وزگە, ءار اۆتوكولىكتە زاماناۋي وكپە ۆەنتيلياتسيا, وتتەك باللونى, جاساندى قاناينالىم اپپاراتتارى بار.