ەسىل اۋدانىندا بىرنەشە جىلدار بويى «نۇر وتان» پارتياسىنىڭ «ارداگەرلەردى ارداقتايىق» اتتى جوباسى ءساتتى ىسكە اسىپ كەلەدى. ونىڭ اياسىندا ۇلى وتان سوعىسى ارداگەرلەرىنە, تىل ەڭبەككەرلەرىنە, از قامتىلعان جانە جالعىزباستى زەينەتكەرلەرگە كومەك كورسەتىلۋدە.
وسى جوبادا «نۇر وتان» پارتياسىنىڭ «بىرلىك» فيليالىنىڭ توراعاسى اباي بيسەمباەۆتىڭ ۇنەمى بەلسەندىلىك تانىتىپ وتىرعانىن ەرەكشە اتاپ وتۋگە بولادى. ءبىزدىڭ اۋداندىق كەڭەس فيليال بەلسەندىلەرىمەن بىرلەسىپ جەڭىس كۇنىنە, تاۋەلسىزدىكتىڭ 25 جىلدىعىنا ارنالعان «25 يگى ءىس», قارتتار كۇنى مەن باسقا دا ايتۋلى مەرەكەلەرگە وراي بىرقاتار ءىس-شارا وتكىزدى.
«بىرلىك» فيليالىنىڭ باستاۋىش پارتيالىق ۇيىمدارىنا ەسىل اۋدانىنىڭ 62 زەينەتكەرى بەكىتىلگەن. ولاردىڭ بارىنە تۇراقتى تۇردە ازىق-تۇلىك قاپشىقتارى, ءدارى-دارمەك, اقشالاي كومەك جانە باسقا دا كومەك كورسەتىلىپ كەلەدى.
اعىمداعى جىلدىڭ ماۋسىم ايىندا ەسىل اۋدانىنىڭ 15 ارداگەرى قازاقستان رەسپۋبليكاسى پرەزيدەنتىنىڭ ءىس باسقارماسىنا قاراستى مەديتسينالىق ورتالىعىنىڭ «بالقاش» ەم-ساۋىقتىرۋ كەشەنىندە تەگىن وڭالتۋ ەمىن الىپ شىقتى.
«بالقاش» كەشەنىنىڭ باسشىلارى ورىنعا كەلگەن ۋاقىتتا ارداگەرلەردىڭ, «نۇر وتان» پارتيا وكىلدەرىنىڭ جانە ساناتوري قىزمەتكەرلەرىنىڭ قاتىسۋىمەن دوڭگەلەك ۇستەل وتكىزدى. العاشقى ءسوز كەزەگىن ساناتوري ديرەكتورى م.ت.شالوۆ, «مەديتسينالىق ورتالىق» العاشقى پارتيالىق ۇيىمىنىڭ ءتورايىمى ا.ق. يسقاقوۆا, «نۇر وتان» پارتياسىنىڭ پريوزەرسك قالالىق فيليالى توراعاسىنىڭ ءبىرىنشى ورىنباسارى د.و. ديۋسەمباەۆا, «ەسىل» اۋدانىنىڭ ارداگەرلەر كەڭەسىنىڭ ءتورايىمى ر.ت. اتىعاەۆا, ۇلى وتان سوعىسىنىڭ ارداگەرلەرى ا.م. بوتەۆ, ل.م. كارتاۋزوۆ جانە تىل ارداگەرلەرى ك.ت. وماروۆ, ك.ا. تاۋكەنوۆ, ت.ب.قۇلىياس ءسوز سويلەدى.
دوڭگەلەك ۇستەل اياقتالعان سوڭ, قادىرمەندى قوناقتار كونتسەرتكە شاقىرىلدى.
ادامنىڭ تىرەك-قوزعالىسى جۇيەسىن نىعايتۋعا جانە باسقا دا اۋرۋلاردان قۇتىلۋ ءۇشىن ساناتوريدا دەنە شىنىقتىرۋ ەم زالى تولىق جابدىقتالعان. ەمنىڭ ءساتتى ءوتۋ ءۇشىن ءار ەم الۋشىعا دارىگەر دارىلەردى قابىلداۋ پروتسەدۋراسىن, تاماقتانۋ, ۇيقى جانە دەمالۋ بويىنشا جەكەلەگەن ءتارتىبىن بەلگىلەيدى.
ساناتوريدا ەم العان ۋاقىت ىشىندە مەديتسينالىق پروتسەدۋرالاردان باسقا, ارداگەرلەر ءۇشىن بالقاش كولىنىڭ بويىندا كەشكى ۋاقىتتا قايىقپەن سەرۋەندەۋ, پريوزەرسك قالاسىنىڭ «جاۋىنگەر داڭقى» مۋزەيىنە بارۋ, بالىق اۋلاۋ, شاحمات, بيليارد, باسسەين, كونتسەرتتىك باعدارلامالار جانە باسقا دا بوس ۋاقىتتى ۇيىمداستىرۋ بويىنشا ءىس-شارالار ۇيىمداستىرىلدى. ءشامشى قالداياقوۆتىڭ سۇيىكتى اندەرى ايتىلدى, ارتىستەردىڭ ونەرى مەن كينوفيلمدەر كورسەتىلدى.
ءار ارداگەر تۋرالى دەرەكتى فيلم ءتۇسىرىلدى, ۇيگە ورالعان سوڭ اربىرىنە ەستەلىك ديسكتەر تاراتىلدى.
ۇيىمداستىرۋشىلاردىڭ ايتۋى بويىنشا دەمالىس اتالعان اكتسيا اياسىندا پارتيا مۇشەلەرىنىڭ مۇشەلىك جارنا ەسەبىنەن تولەنگەن.
دەمالىستان ورالعان ارداگەرلەردىڭ اتىنان «بىرلىك» فيليالىنىڭ اتىنا كورسەتىلگەن قامقورلىق پەن ىقىلاس ءۇشىن 83 جاستاعى ۇوس ارداگەرى, سوتسياليستىك ەڭبەك ەرى لەونيد كارتاۋزوۆ ءوز العىسىن ءبىلدىردى: «ءبىزدىڭ باسىمىزدى قوسۋ – بۇل جاقسى يدەيا. وسى جەردە جينالعان قاۋىممەن بايلانىستى جىلى ەستەلىكتەر بار. ۇيدە وتىرعاندى ۇناتپايمىن. مەنى ۇنەمى مەكتەپتەرگە بالالارمەن كەزدەسۋگە شاقىرىپ وتىرادى. وسىنداي ءىس-شارالارعا ۇنەمى قاتىسىپ وتىرامىن. ماعان وسىنداي ۇسىنىستى جاساعاندا, مەن قۋانا كەلىستىم. ويتكەنى بۇل جاقسى مۇمكىندىك – ەم الاسىڭ, دەم الاسىڭ جانە جولداستارمەن كەزدەسەسىڭ» دەپ اعىنان جارىلدى داڭقتى ديقان.
ەسىل اۋداندىق ارداگەر كەڭەسىنىڭ اتىنان عانا ەمەس, جالپى زەينەتكەرلەردىڭ اتىنان «بىرلىك» بەلسەندىلەرىنە اعا ۇرپاق ءۇشىن جاساعان جاقسىلىعى مەن قامقورلىعىنا العىسىمىزدى بىلدىرەمىز.
رىستى اتىعاەۆا,
استانا قالاسى
ەسىل اۋدانىنىڭ ارداگەرلەر
كەڭەسىنىڭ ءتورايىمى
