باس قالادا ءدىني ەكسترەميزم مەن تەرروريزمنىڭ الدىن الۋ بويىنشا ارنايى اكتسيا ءوتتى. ونى استانا قالاسىنىڭ ءدىن ىستەرى باسقارماسى, الماتى, بايقوڭىر جانە سارىارقا اۋداندارىنىڭ اكىمدىكتەرى مەن «استانا جاستارى» جاستار رەسۋرستىق ورتالىعى ۇيىمداستىردى.
ارنايى اكتسيا بارىسىندا ەلوردالىق ۆولونتەرلەر قالا تۇرعىندارىنا اقپاراتتىق بروشيۋرالار تاراتتى. بروشيۋرالاردا رەسپۋبليكا تەرريتورياسىندا تىيىم سالىنعان تەرروريستىك جانە ەكسترەميستىك ۇيىمداردىڭ ءتىزىمى كورسەتىلدى وعان قوسا, اقپاراتتىق جادىنامالاردا تۇرعىندارعا دەسترۋكتيۆتى ءدىني اعىمداردىڭ قاۋپى, سەنىمدى دەرەككوزدەر, ءدىن سالاسىنداعى زاڭناما جانە ت. ب. جازىلدى.
«ءدىني ادەبيەتتەردى تاراتۋ ءتارتىبىن بۇزۋ اكىمشىلىك جاۋاپكەرشىلىككە جانە جازاعا اكەپ سوعادى. مۇنداي جاعدايلاردا اكىمشىلىك قۇقىق بۇزۋشىلىق تۋرالى كودەكستىڭ 490-بابى 1-بولىگىنىڭ 3-تارماعىنا سايكەس قىزمەتىن 3 اي مەرزىمگە توقتاتىپ, جەكە تۇلعالارعا 50 اەك مولشەرىندە ايىپپۇل سالىنادى» دەدى استانا قالاسى ءدىن ىستەرى جونىندەگى باسقارمانىڭ باس مامانى ءاديا رومانوۆا.
ءدىني ءىس-شارالار, عيبادات ەتۋ, ءدىني عۇرىپتار مەن راسىمدەر جاساۋ جانە ءدىني جينالىستار وتكىزۋ قازاقستان رەسپۋبليكاسىنىڭ زاڭناماسىندا بەلگىلەنگەن ءتارتىپ بويىنشا ورىندالادى. ياعني بۇل دا اكىمشىلىك قۇقىق بۇزۋشىلىق تۋرالى زاڭنىڭ 490-بابىنا سايكەس, قىزمەتى 3 اي مەرزىمگە توقتاتىلىپ, جەكە تۇلعالارعا 50 اەك مولشەرىندە ايىپپۇل سالىنادى.
اكتسيانىڭ ماقساتى – حالىقتى دەسترۋكتيۆتى ءدىني اعىمدار مەن ولاردىڭ قاۋپى تۋرالى حاباردار ەتۋ, ءدىني ساۋاتتىلىقتى ارتتىرۋ جانە ءدىن سالاسىنداعى زاڭنامامەن تانىستىرۋ.
اتالمىش اكتسيا قالاداعى حالىق كوپ شوعىرلاناتىن ساۋدا, ويىن-ساۋىق ورتالىقتارى مەن بازارلاردا وتكىزىلدى.
