جاپونيانىڭ استاناسى توكيودا اۋىر اتلەتيكادان ءوتىپ جاتقان ازيا چەمپيوناتىندا ەل نامىسىن قورعاعان ارىستانبەك جاقانشا 69 كەلى سالماقتا چەمپيون اتاندى.
ءدۇبىرلى دودادا ارىستانبەك جۇلقا كوتەرۋدە 128 كەلىنى ەڭسەرسە, سەرپە كوتەرۋدە 156 كەلىنى كوتەردى. قوس سايىستىڭ قورىتىندىسى بويىنشا 284 كەلىمەن التىننان القا تاقتى.
بۇل چەمپيوناتتا قازاقستان اتىنان 7 زىلتەمىرشى سىنعا ءتۇسىپ جاتىر.
ەل ابىرويىن اسقاقتاتقان چەمپيونداردىڭ ءىزىن جالعايتىن ارىستانبەك جاقانشا – قىزىلوردا جوعارى سپورت شەبەرلىگى مەكتەبىنىڭ تۇلەگى. جەڭىمپاز اتلەتىمىزدىڭ قۇرمەتىنە قازاق تۋى بيىكتەن جەلبىرەپ, ءانۇرانىمىز اۋەلەدى.
قۇرلىق بىرىنشىلىگىندە ەل نامىسىن قورعاپ جاتقان جاس اتلەتتەردىڭ قاتارىندا جۇلدەگەر اتانۋعا مۇمكىندىگى بار سپورتشىلار بارشىلىق. ولاردىڭ قانداي جۇلدەلەرگە قول سوزاتىنىن الداعى كۇندەردە بىلەتىن بولامىز.
