اسكەرگە اتتاندى
استانادا «اسكەرگە بارۋ – ازاماتتىق پارىزىمىز!» ۇرانىمەن قازاقستان رەسپۋبليكاسى قارۋلى كۇشتەرىنىڭ قاتارىنا جاڭادان شاقىرىلعانداردى سالتاناتتى تۇردە شىعارىپ سالدى.
قر قك دەسانتتىق-شابۋىلداۋ باتالونىنا اتتاناتىن 30 ەلوردالىق ازامات اسكەري انت قابىلداعاننان كەيىن قاپشاعاي قالاسىندا وتان الدىنداعى بورىشىن ورىنداۋعا كىرىسەدى.
– بۇگىن سالتاناتتى تۇردە قاپشاعاي قالاسىنداعى دەسانتتىق-شابۋىلداۋ باتالونىنا قازاقستان رەسپۋبليكاسى قارۋلى كۇشتەرىنىڭ قاتارىنا جاڭادان شاقىرىلعانداردى اتتاندىرىپ تۇرمىز. اسكەري بولىمدەردە تاجىريبەلى وفيتسەرلەر ساربازداردى اسكەري مىندەتتىڭ باستاپقى ىلىمىنە وقىتىپ قانا قويماي, ولار ءۇشىن جاڭا جاعدايعا بەيىمدەلۋلەرىنە كومەكتەسەدى. ولار قارۋ-جاراقتى قولدانۋ ءتاسىلىن ۇيرەنەدى. سونىمەن قاتار, ءبىز تەك دەنساۋلىعى مىقتى ازاماتتاردى عانا ەمەس, ءبىلىمى جوعارى, زەردەلى جاستاردى دا شاقىرىپ جاتىرمىز, – دەدى استانا قالاسى قورعانىس ىستەرى جونىندەگى دەپارتامەنتىنىڭ ءبولىم باسشىسى ارمان كەرەكباەۆ.
قازىرگى ۋاقىتتا «كۇز-2018» شاقىرۋ ناۋقانى قىزۋ ءجۇرىپ جاتىر. بيىل كۇزدە شامامەن 20 مىڭ ادام شاقىرىلادى. ونىڭ ىشىندە ءبىر مىڭعا جۋىعى استانا قالاسىنىڭ تۇرعىندارى بولادى.