تۇرمىستىق قالدىقتاردى ءبولىپ تاستاۋدى ناسيحاتتاۋ ماقساتىندا ەلوردالىق مەكتەپتەردە «قايتا وڭدەۋ ءۇشىن سۇرىپتا» اتتى ەكولوگيالىق شارا ۇيىمداستىرىلدى.
بۇل تۇرعىدا №14 مەكتەپ-گيمنازيادا وقۋشىلار مەن اتا-انالار ءۇشىن قالدىقتى بولەك جيناۋعا ارنالعان تاقىرىپتىق ساباق ءوتتى. اتالمىش ءبىلىم ورداسىنداعى ەكو-شاراعا جەرگىلىكتى بيلىك وكىلدەرى مەن ەكولوگيالىق ۇيىمدار جانە مەكتەپ ۇجىمى, وقۋشىلار, اتا-انالار قاتىستى.
ءبىلىم باسقارماسى مەن تۇرمىستىق قالدىقتاردى تاسىمالداۋمەن اينالىساتىن «Clean City» كومپانياسى اراسىنداعى قايتا وڭدەلەتىن قالدىقتاردى تاستاۋعا ارنالعان كونتەينەرلەردى مەكتەپ اۋلالارىنا ورناتۋ جونىندەگى مەموراندۋم اياسىندا قالاداعى ءار مەكتەپكە 2 سارى كونتەينەردەن قويىلۋدا. بۇل كونتەينەرلەرگە وقۋشىلار ماكۋلاتۋرا, پلاستيك, شىنى جانە باسقا دا وڭدەۋگە جاتاتىن قالدىقتاردى تاستايدى. شاراعا بەلسەندى قاتىسىپ, ەڭ كوپ قالدىق تاپسىرعان سىنىپتار انىقتالىپ, جەڭىمپازدارعا ءبىر سەبەتتەن الما بەرىلدى.
