ەلىمىزدىڭ بارلىق وڭىرلەرىندە كوكتەمگى اسكەرگە شاقىرۋ باستالدى. ناۋقان الدىندا استانا قالاسى اكىمىنىڭ ورىنباسارى – قالالىق اسكەرگە شاقىرۋ كوميسسياسىنىڭ توراعاسى اسقار ءامرين كەزەكتى مىندەتتى اسكەري قىزمەتكە شاقىرۋ ناۋقانىن ۇيىمداستىرۋ جانە وتكىزۋ بويىنشا نەگىزگى جۇمىستاردى انىقتاپ بەردى.
«قازىرگى تاڭدا قر قارۋلى كۇشتەرىندە, كەدەندىك قىزمەتتە, مەملەكەتتىك كۇزەت قىزمەتى مەن ۇلتتىق ۇلاندا وتان الدىنداعى بورىشىن وتەۋ ءۇشىن كوكتەمدە ەلوردادان 800 ساربا ز اسكەر قاتارىنا اتتاندىرىلاتىن بولادى دەپ جوسپارلانۋدا. قالىپتاسقان داستۇرگە ساي ولاردى سالتاناتتى تۇردە شىعارىپ سالاتىن بولامىز. شاراعا جاس جاۋىنگەرلەردىڭ اعايىن-تۋىسى, دوستارى, قالا اكىمدىگىنىڭ وكىلدەرى, ارداگەرلەر ۇيىمدارىنىڭ وكىلدەرى, الەۋمەت قاتىسادى. ارميادا وتان الدىنداعى بورىشتى وتەۋ ءۇشىن قولايلى جاعداي جاسالعان دەپ ايتۋعا بولادى» دەدى اسقار ءامرين.
ءوز كەزەگىندە قالالىق قورعانىس ىستەرى جونىندەگى دەپارتامەنتىنىڭ باستىعى پولكوۆنيك ارداق كۋكاتوۆ جاستاردى اسكەري قىزمەتكە دايارلاۋ جانە شاقىرۋ ءۇزىلىسسىز جۇرگىزىلەتىنىن جەتكىزدى.
ايتا كەتەيىك, اسكەرگە شاقىرىلۋشىلاردىڭ العاشقى توبى 15 ناۋرىزدا قر ۇقك شەكارا قىزمەتىنىڭ قاتارىندا بورىشىن وتەۋ ءۇشىن جونەلتىلەدى.
