اسكەري الەۋەتپەن تانىستىرادى
ورتالىق كوممۋنيكاتسيالار قىزمەتى الاڭىندا وتكەن بريفينگتە قۇرلىق اسكەرلەرىنىڭ باس قولباسشىسى گەنەرال-لەيتەنانت مۇرات مايكەەۆ 7 مامىر كۇنى «قازاق ەلى» الاڭىندا وتەتىن اسكەري شەرۋگە دايىندىق جانە ونى وتكىزۋ جايىمەن تانىستىردى.
وتان قورعاۋشىلار كۇنىنە ارنالعان ايتۋلى شاراعا قورعانىس مينيسترلىگىنىڭ, ىشكى ىستەر مينيسترلىگىنىڭ, ۇلتتىق قاۋىپسىزدىك كوميتەتىنىڭ, رەسپۋبليكالىق گۆارديانىڭ بولىمشەلەرى مەن اسكەري تەحنيكاسى قاتىسادى.
مۇرات مايكەەۆتىڭ ايتۋىنشا, شەرۋدىڭ باستى ەرەكشەلىگى – ەلىمىزدىڭ اسكەري زاۋىتتارىندا قۇراستىرىلعان تەحنيكالار كورسەتىلمەك.
– بۇل العاش رەت ۇيىمداستىرىلعالى وتىر. سەبەبى, 2011 جىلعى اسكەري پارادتا ءبىز رەسەيدەن, تۇركيادان جانە باسقا دە ەلدەردەن الىنعان تەحنيكالاردى كورسەتكەن ەدىك. ولار بيىل دا كورسەتىلەدى. سونىمەن قاتار, اتالمىش اسكەري شەرۋدە شەتەلدىڭ ارنايى وپەراتسيالار ءبولىمشەلەرىنىڭ ستاندارتى بويىنشا قايتا قۇرىلىپ, تولىعىمەن جاراقتالعان پيلوتسىز ۇشاقتاردى دا كورسەتەمىز – دەيدى م. مايكەەۆ.
بەلگىلى بولعانداي, اسكەري شەرۋگە 2000 اسكەري قىزمەتشى, 250 اسكەري تەحنيكا مەن 75 ۇشۋ اپپاراتى قاتىسادى.
گۇلميرا شارحانقىزى